కోట శ్రీనివాసరావు సతీమణి కన్నుమూత

దివంగత నటుడు కోట శ్రీనివాసరావు ఇంట మరో విషాదం నెలకొన్నది. ఆయన సతీమణి రుక్మిణి సోమవారం కన్నుమూశారు.

దివంగత నటుడు కోట శ్రీనివాసరావు ఇంట మరో విషాదం నెలకొన్నది. ఆయన సతీమణి రుక్మిణి సోమవారం కన్నుమూశారు. గత కొంతకాలంగా ఆనారోగ్యంతో బాధపడుతున్నారామె. జూలై 13న కోట శ్రీనివాసరావు స్వర్గస్తులైన విషయం తెలిసిందే. ఆ విషాదం మరువక ముందే కోట సతీమణి కూడా మృతి చెందటంతో కుటుంబ సభ్యులు తీవ్ర విషాదానికి లోనయ్యారు.

బిజీ కెరీర్‌ కారణంగా కుటుంబాన్ని తాను పెద్దగా పట్టించుకోలేకపోయానని, ఈ రోజు తన సంతానం ఉన్నత విద్యలను అభ్యసించి, బుద్ధిమంతులు కావడానికి తన భార్య రుక్మిణే కారణమని, తనకు ఓర్పు ఎక్కువని, తాను నటించిన చిత్రాల్లో ‘అహనా పెళ్లంట’ అంటే తన భార్యకు ఎంతో ఇష్టమని కోట ఓ ఇంటర్వ్యూలో చెప్పుకొచ్చారు. రుక్మిణి మరణం పట్ల పలువురు చిత్రరంగ ప్రముఖులు సంతాపం వెలిబుచ్చారు.