కేజేఆర్‌, కోర్ట్‌ శ్రీదేవి జంటగా ద్విభాషా చిత్రం

కేజేఆర్‌, ‘కోర్ట్‌'ఫేం శ్రీదేవి జంటగా రూపొందుతున్న ద్విభాషా చిత్రం సోమవారం ఉదయం చెన్నైలో పూజా కార్యక్రమాలతో మొదలైంది.

కేజేఆర్‌, ‘కోర్ట్‌’ఫేం శ్రీదేవి జంటగా రూపొందుతున్న ద్విభాషా చిత్రం సోమవారం ఉదయం చెన్నైలో పూజా కార్యక్రమాలతో మొదలైంది. ‘మార్క్‌ ఆంటోనీ’ చిత్రాన్ని నిర్మించిన మినీ స్టూడియో సంస్థ తెలుగు, తమిళ భాషల్లో ఈ చిత్రాన్ని నిర్మిస్తున్నది. రెగన్‌ స్టానిస్లాన్‌ దర్శకునిగా పరిచయం అవుతున్నారు. చిత్రీకరణ త్వరలోనే మొదలుకానుంది.

తెలుగులో ఈ చిత్రాన్ని గంగా ఎంటైర్టెన్మెంట్స్‌ సంస్థ విడుదల చేస్తున్నది. అర్జున్‌ అశోకన్‌, సింగం పులి, జయప్రకాష్‌, హరీష్‌ కుమార్‌, పృధ్వీరాజ్‌, ఇందుమతి, అశ్విని, కె.కుమార్‌, అభిషేక్‌ జోసెఫ్‌ జార్జ్‌, అజువర్గీస్‌, శ్రీకాంత్‌ మురళి తదితరులు ఇతర పాత్రలు పోషిస్తున్న ఈ చిత్రానికి కెమెరా: పి.వి.శంకర్‌, సంగీతం: జిబ్రాన్‌, నిర్మాత: ఎస్‌.వినోద్‌కుమార్‌.