Visit:
Ameer Log | రమణారెడ్డి సోమ డైరెక్ట్ చేస్తున్న యూత్ఫుల్ కామెడీ ఎంటర్టైనర్ అమీర్ లోగ్ (Ameer Log). ఎంసీ హరి, మనోజ్, శశిధర్ లీడ్ రోల్స్లో నటిస్తున్న ఈ చిత్రంలో వేదా జలంధర్, రావణ్ నిట్టూరు, విశ్వేందర్ రెడ్డి, సాయి యోగి ఇతర కీలక పాత్రల్లో నటిస్తున్నారు. ఆగస్టు 21న థియేటర్లలో గ్రాండ్గా విడుదల కానుంది. ప్రమోషన్స్లో భాగంగా ఈ మూవీ నుంచి విడుదల చేస్తున్న ఒక్కో పాట సెపరేట్ స్టైల్లో సాగుతూ సినిమాపై క్యూరియాసిటీ పెంచేస్తున్నాయి.
తాజాగా మేకర్స్ కాసుల కళ అంటూ సాగే లిరికల్ వీడియో సాంగ్ను లాంచ్ చేశారు. రెక్కలు కదలాడందే చిక్కులు విడిపోవంట లెక్కలు సరితూగే వేళ.. పిక్కలు పరుగాడందే డొక్కలు నిదరోవంట.. కాసుల కళ వేరే అంటా.. అవి పూసుకు తిరగాలంటా అనే లిరిక్స్తో హైదరాబాద్లో కాసులు సంపాదనలో పడే కష్టాలు ఎలా ఉంటాయో కండ్లకు కట్టినట్టు చూపించనున్నట్టు విజువల్స్తో హింట్ ఇచ్చేశాడు డైరెక్టర్. ఈ సాంగ్కు హైదరాబాదీలంతా కనెక్ట్ అవడం గ్యారంటీ అని లిరిక్స్ చెప్పకనే చెబుతున్నాయి. కాసుల కళ.. ఒకపాట కాదు.. మన జీవితంలో చాలా మందికి కనెక్ట్ అయ్యే ఒక ఎమోషన్ అంటూ రిలీజ్ చేసిన ఈ పాటపై మీరూ ఓ లుక్కేయండి.
ఇప్పటికే ఈ మూవీ నుంచి విడుదల చేసిన అవ్వల్ దావత్ సాంగ్తోపాటు హైదరాబాదీ ర్యాప్ స్టైల్లో సాగే ‘సీదా హెలికాప్టర్ షాట్’ సాంగ్ నెట్టింట వైరల్ అవుతున్నాయి. అమీర్ లోగ్ తెలుగు రాష్ట్రాల పంపిణీ హక్కులను టాలీవుడ్ యాక్టర్ రానాకు చెందిన స్పిరిట్ మీడియా సొంతం చేసుకుంది. హైదరాబాద్ గల్లీ బ్యాక్డ్రాప్లో ముగ్గురు స్నేహితుల మధ్య కథ నేపథ్యంలో కామెడీతోపాటు కంటెంట్ను నమ్మి వస్తున్న మూవీని అవ్వల్ నంబర్ ప్రొడక్షన్స్ బ్యానర్పై మాధవి రెడ్డి సోమ తెరకెక్కిస్తున్నారు. ఈ చిత్రానికి స్మరణ్ సాయి సంగీతం అందిస్తున్నాడు.
కాసుల కళ లిరికల్ వీడియో సాంగ్..
💰 Kaasula Kala… Oka paata kaadhu, mana jeevithamlo chala mandiki connect ayye oka emotion. ❤️🎶#KaasulaKala
Full lyrical video out now from #AmeerLoghttps://t.co/Hg6KnSEBHJIn Theatres Worldwide on August 21
Singer: @Eknaath333
Music: @smaransai
Lyrics: #Nikleshsunkoji… pic.twitter.com/zq1X1Jnffd— BA Raju’s Team (@baraju_SuperHit) August 2, 2026
