Japanese Couple | రజనీ ‘జైలర్‌’ చూడటానికి ఒసాకా నుంచి చెన్నై వచ్చిన జపనీస్‌ దంపతులు..

అభిమానాని భాషా, ప్రాంతంతో సంబంధం లేదు. అందులోనూ సూపర్‌ స్టార్‌ రజనీకాంత్‌ అభిమానుల గురించి ప్రత్యేకంగా చెప్పాల్సిన పనిలేదు. తన స్టైలిష్‌ నటనతో ప్రపంచవ్యాప్తంగా అభిమానులను తళైవా సొంతంచేకున్నారు.

చెన్నై: అభిమానాని భాషా, ప్రాంతంతో సంబంధం లేదు. అందులోనూ సూపర్‌ స్టార్‌ రజనీకాంత్‌ అభిమానుల గురించి ప్రత్యేకంగా చెప్పాల్సిన పనిలేదు. తన స్టైలిష్‌ నటనతో ప్రపంచవ్యాప్తంగా అభిమానులను తళైవా సొంతంచేకున్నారు. ఆయన నటించిన ‘జైలర్‌’ (Jailer) చిత్రం నేడు విడుదలైంది. తమ ఆరాధ్య నటుడి సినిమాను స్థానిక థియేటర్లలో తోటి అభిమానుల మధ్య చూడాలని జపాన్‌కు చెందిన ఓ జంట (Japanese couple) ఏకంగా చెన్నై (Chennai)వచ్చింది. జపాన్‌లోని ఒసాకాకు (Osaka) చెందిన యసుదా హిడెతోషి (Yasuda Hidetoshi) తన సతీమణితో కలిసి ప్రత్యేకగా జైలర్‌ సినిమా కోసమే చెన్నపట్టణానికి చేరుకున్నారు. గురువారం ఉదయం చెన్నైలోని థియేటర్‌లో తమిళ తంబీలతో కలిసి సినిమా చూసి ఖుషీ అయ్యారు. రజనీకి వీరాభిమాని అయిన యసుదా.. జపాన్‌లో ఆయన ఫ్యాన్‌ క్లబ్‌ లీడర్‌ కూడా. అభిమానులందరితో కలిసి సినిమా చూడటానికి తాము ఇక్కడి వచ్చినట్లు ఆయన చెప్పారు.

VIDEO | A Japanese couple has travelled from Osaka to Chennai, Tamil Nadu to watch Rajinikanth's new film 'Jailer'.

"To see the Jailer movie, we have come from Japan to Chennai," says Yasuda Hidetoshi, Rajinikanth fan club leader, Japan. pic.twitter.com/04ACrc4Q5c

— Press Trust of India (@PTI_News) August 10, 2023

సూపర్‌స్టార్‌ హీరోగా యువ దర్శకుడు నెల్సన్‌ దిలీప్‌కుమార్‌ రూపొందించిన ‘జైలర్‌’ (Jailer) చిత్రం గురువారం ప్రపంచవ్యాప్తంగా విడుదలైంది. తమిళంలో తెరకెక్కిన ఈ చిత్రాన్ని తెలుగు, కన్నడ, మలయాళం భాషల్లోకి అనువాదం చేసి విడుదల చేశారు. ఇందులో రమ్యకృష్ణన్‌, తమన్నా, జాకీష్రాఫ్‌, మోహన్‌లాల్‌, శివరాజ్‌కుమార్‌, సునీల్‌, యోగిబాబు తదితరులు నటించారు. ఈ సినిమాకు సంబంధించిన అడ్వాన్స్‌ బుకింగ్స్‌ రెండు రోజుల కిత్రమే ప్రారంభమయ్యాయి. దేశవ్యాప్తంగా 6 లక్షలకుపైగా టిక్కెట్లు విక్రయమయ్యాయి. కాగా, గురువారం తెల్లవారుజాము నుంచే తమిళనాడులోని థియేటర్ల వద్ద రజనీ అభిమానుల సందడి మొదలైంది. డ్యాన్సులు, డప్పు చప్పుళ్లతో టాకీసుల పరిసరాలు మారుమోగాయి.