మంగాపురం ప్రేమకథ?

‘ఆర్‌ ఎక్స్‌ 100’ సినిమాతో అందరి దృష్టినీ ఆకర్షించారు దర్శకుడు అజయ్‌ భూపతి. రెండేళ్ల క్రితం వచ్చిన ‘మంగళవారం’ సినిమా కూడా ఆయనకు మంచి పేరే తెచ్చిపెట్టింది.

‘ఆర్‌ ఎక్స్‌ 100’ సినిమాతో అందరి దృష్టినీ ఆకర్షించారు దర్శకుడు అజయ్‌ భూపతి. రెండేళ్ల క్రితం వచ్చిన ‘మంగళవారం’ సినిమా కూడా ఆయనకు మంచి పేరే తెచ్చిపెట్టింది. ప్రస్తుతం ఓ ప్రెస్టేజియస్‌ ప్రాజెక్ట్‌కు రంగం సిద్ధం చేసుకున్నారు అజయ్‌ భూపతి. ఈ సినిమాకు ‘శ్రీనివాస మంగాపురం’ అనే పేరును పరిశీలిస్తున్నారు. తిరుపతికి చేరువలో ఉండే గ్రామం శ్రీనివాస మంగాపురం. ఆ గ్రామంలో జరిగే ప్రేమకథగా ఈ సినిమా ఉంటుందని తెలుస్తున్నది.

స్వర్గీయ ఘట్టమనేని రమేశ్‌బాబు తనయుడు, సూపర్‌స్టార్‌ కృష్ణ మనవడు జయకృష్ణ ఈ చిత్రం ద్వారా హీరోగా పరిచయం కానున్నారు. రవీనా టాండన్‌ కుమార్తె రాషా ఇందులో కథానాయిక. ఈ కథలో ప్రతినాయకుడి పాత్ర కీలకం. అందుకోసం ఓ సీనియర్‌ నటుడ్ని సంప్రదించినట్టు తెలుస్తుంది. అక్టోబర్‌ 15 నుంచి ఈ సినిమా రెగ్యులర్‌ షూటింగ్‌ మొదలుకానున్నట్టు సమాచారం. ఈ సినిమాకు సంబంధించిన ఇతర వివరాలు త్వరలో తెలియనున్నాయి.