20రోజులకు 150కోట్లు

ఫ్రాంచైజీల్లో తొలి పార్ట్‌కు 11వందలకోట్ల పైచిలుకు వసూళ్లు రావడం కేవలం ‘కల్కి 2898ఏడీ’ సినిమా విషయంలోనే జరిగింది. ప్రస్తుతం ఆ సినిమా సీక్వెల్‌కు సంబంధించిన షూటింగ్‌ హైదరాబాద్‌లో నిశ్శబ్దంగా జరుగుతున్నది. అశ్వథ్థామ, కలిపురుషుడు యాస్కిన్‌ పాత్రలపై కీలక యాక్షన్‌ సన్నివేశాలను దర్శకుడు నాగ్‌అశ్విన్‌ తెరకెక్కిస్తున్నారు.

ఫ్రాంచైజీల్లో తొలి పార్ట్‌కు 11వందలకోట్ల పైచిలుకు వసూళ్లు రావడం కేవలం ‘కల్కి 2898ఏడీ’ సినిమా విషయంలోనే జరిగింది. ప్రస్తుతం ఆ సినిమా సీక్వెల్‌కు సంబంధించిన షూటింగ్‌ హైదరాబాద్‌లో నిశ్శబ్దంగా జరుగుతున్నది. అశ్వథ్థామ, కలిపురుషుడు యాస్కిన్‌ పాత్రలపై కీలక యాక్షన్‌ సన్నివేశాలను దర్శకుడు నాగ్‌అశ్విన్‌ తెరకెక్కిస్తున్నారు. అశ్వథ్థామగా అమితాబ్‌, యాస్కిన్‌గా కమల్‌హాసన్‌ నటిస్తున్న విషయం తెలిసిందే. ఎక్కడా బాడీ డబుల్స్‌ని ఉపయోగించకుండా వారు ఈ యాక్షన్‌ సీక్వెన్స్‌లో నటిస్తున్నట్టు చిత్రబృందం చెబుతోంది.

ఇదిలావుంటే.. కమల్‌హాసన్‌ ఫ్యామిలీ ఫ్రెండ్‌ అయిన నటుడు యోగిసేతు ఇటీవల ఇచ్చిన ఓ ఇంటర్వ్యూలో ‘కల్కి 2’లో కమల్‌ పాత్ర, పారితోషికం తదితర అంశాల గురించి ఆసక్తికరమైన విషయాలను వెల్లడించారు. ‘ ‘కల్కి 2898ఏడీ’లో కమల్‌హాసన్‌ పాత్ర నిడివి చాలా తక్కువ. కానీ ‘కల్కి 2’లో మాత్రం అందరికంటే ఆయన పాత్రే ఎక్కువగా ఉంటుంది. ఈ సినిమాకు 20 రోజుల కాల్షీట్స్‌కి గాను ఆయన 150కోట్లు పారితోషికంగా తీసుకున్నారు. దీంతో భారతదేశంలోనే అత్యధిక పారితోషికం అందుకున్న నటుడిగా కమల్‌హాసన్‌ అవతరించారు. రీసెంట్‌గా నిర్మాత సి.అశ్వనీదత్‌ని కమల్‌ సార్‌ నాకు పరిచయం చేశారు. నేను ఆయనకు ఈ విషయంపై కృతజ్ఞతలు తెలిపాను’ అని యోగిసేతు అన్నారు. ఈ వీడియో ప్రస్తుతం సోషల్‌ మీడియాలో వైరల్‌గా మారింది.