Papa Movie | కోలీవుడ్ యంగ్ హీరో కవిన్ (Kavin) అంటే ఎవరికీ తెలిసి ఉండదు కానీ.. బిగ్ బాస్ ఫేమ్, దాదా మూవీ (DADA Movie) హీరో కవిన్ అంటే అందరు గుర్తుపడతారు. దాదా (DADA) సినిమాతో తమిళంలో భారీ హిట్ అందుకున్నాడు ఈ కుర్ర హీరో. ఈ ఏడాది ఫిబ్రవరిలో రిలీజైన ఈ సినిమా తమిళంలో కోట్లు కొల్లగొట్టింది. కేవలం రూ.4 కోట్లతో రూపొందిన ఈ మూవీ దాదాపు రూ.20 కోట్ల రేంజ్లో కలెక్షన్లు సాధించింది. ఈ మూవీ ఓటీటీలో (ప్రైమ్)లో కూడా విడుదలై రికార్డు వ్యూస్ సాధించింది. ఇక భాషతో సంబంధంలేకుండా అన్ని రాష్ట్రాల సినీ లవర్స్ ఈ సినిమాను దాదాపుగా చూసేసారు. అయితే ఈ సినిమాకు సంబంధించి ఒక సాలిడ్ అప్డేట్ వచ్చింది.
ఈ సినిమాను తెలుగులో పా..పా..(PAPA) పేరుతో డబ్ చేయనున్నట్లు మేకర్స్ సోషల్ మీడియాలో ప్రకటించారు. దీనితో పాటు పా..పా.. ఫస్ట్ లుక్ పోస్టర్ను విడుదల చేశారు. పాన్ ఇండియా మూవీస్ & జేకే ఎంటర్టైనమెంట్స్ బ్యానర్పై వస్తున్న ఈ మూవీని ఎమ్మెస్ రెడ్డి, శ్రీకాంత్ నూనెపల్లి, శశాంక్ చెన్నూరు సంయుక్తంగా నిర్మిస్తున్నారు. ఇక ఈ సినిమాపై మేకర్స్ మాట్లాడుతూ.. అతి త్వరలో గ్రాండ్గా ఈ ట్రైలర్ లాంచ్తో పాటు విడుదల తేదీ ప్రకటిస్తామని వెల్లడించారు.
Tamil Youth Sensational Hero #Kavin‘s Blockbuster Movie #DaDa is Releasing in Telugu as #PaPa.@Kavin_m_0431 pic.twitter.com/X5tc1fnGX8
— Vamsi Kaka (@vamsikaka) September 19, 2023
కవిన్, అపర్ణా దాస్ జంటగా నటించిన ఈ సినిమాలో మోనికా చిన్నకోట్ల, ఐశ్వర్య, భాగ్యరాజ, వీటీవీ గణేష్ తదితరులు ప్రధాన పాత్రలు పోషించారు. గణేష్ కె బాబు దర్శకత్వం వహించగా.. జెన్ మార్టిన్ సంగీతం అందించాడు. సినిమాటోగ్రఫీ : ఎళిల్ అరసు కె, ఎడిటర్: కతిరేష్ అళగేశన్.
సీరియల్ యాక్టర్గా కెరీర్ ప్రారంభించిన కవిన్ కార్తిక్ సుబ్బరాజు దర్శకత్వంలో వచ్చిన పిజ్జా సినిమాలో ఓ చిన్న రోల్లో మెరిసాడు. ఆ తర్వాత రెండు, మూడు సినిమాల్లో క్యారెక్టర్ ఆర్టిస్టుగా కనిపించాడు. అయితే కవిన్ పేరు తమిళ ప్రేక్షకుల్లో రిజిస్టర్ అయింది మాత్రం నట్పున ఎన్నాను తెరియుమా సినిమాతోనే. ఈ సినిమాతో లీడ్ రోల్ అవతారం ఎత్తి సక్సెస్ అయ్యాడు. కమర్షియల్గా పెద్ద బ్లాక్ బస్టర్ కాలేదు కానీ.. ఈ సినిమాలో కవిన్ రోల్కు మాత్రం మంచి మార్కులు పడ్డాయి. ఇక కవిన్కు మాత్రం బ్రేక్ ఇచ్చింది దాదా సినిమానే.