ప‌వ‌న్-రానా సినిమా క్రేజీ అప్‌డేట్‌..!

మ‌ల‌యాళ సూప‌ర్ హిట్ చిత్రం అయ్య‌ప్ప‌నుమ్ కొషియుమ్ పవన్‌కల్యాణ్‌, రానా కాంబినేష‌న్ లో తెలుగులో రీమేక్ అవుతున్న‌ సంగ‌తి తెలిసిందే. ఈ సినిమా అప్ డేట్ ఒక‌టి బ‌య‌ట‌కు వ‌చ్చింది. ఈ చిత్రం షూటింగ్ జ‌న‌వ‌రి 20 నుంచి మొద‌లుకానుంది. అంతేకాదు హైద‌రాబాద్ లోని అల్యూమినియం ఫ్యాక్ట‌రీలో విశాల‌మైన లాడ్జ్ సెట్ ను వేస్తున్నార‌ట‌. ఫ‌స్ట్ షెడ్యూల్ లో 25 రోజుల‌పాటు చిత్రీక‌రణ జ‌రుపనుండ‌గా..ప‌వ‌న్-రానా పై వచ్చే కీల‌క స‌న్నివేశాలు షూట్ చేస్తార‌ని టాక్‌.

ప‌వ‌న్ క‌ల్యాణ్ బిజూ మీన‌న్ పాత్ర‌లో న‌టిస్తుండ‌గా..రానా పృథ్విరాజ్ పాత్ర పోషిస్తున్నాడు. సాగ‌ర్ చంద్ర ద‌ర్శ‌క‌త్వం వ‌హించ‌నున్న‌ ఈ చిత్రానికి సినిమాటోగ్రఫీ ప్రసాద్‌ మూరెళ్ల, ఎడిటర్‌: నవీన్‌నూలి, ఆర్ట్‌: ఏ.ఎస్‌.ప్రకాష్‌, నిర్మాత: సూర్యదేవర నాగవంశీ. ఫీమేల్ లీడ్ రోల్స్ లో ఎవ‌రు న‌టించ‌నున్నార‌నే దానిపై క్లారిటీ రావాల్సి ఉంది.