ఓ వైపు సినిమాలతో బిజీగా ఉంటూనే..మరోవైపు టైం దొరికినప్పుడల్లా సోషల్ మీడియా ద్వారా అభిమానులు, పాలోవర్లను పలుకరిస్తుంటాడు మెగాస్టార్ చిరంజీవి (chiranjeevi konidela). తన అభిప్రాయాలను ఎప్పటికపుడు అందరితో పంచుకుంటాడు. డిసెంబర్ 23న జాతీయ రైతుల దినోత్సవం (national farmers day)సందర్భంగా ఓ స్పెషల్ వీడియోను షేర్ చేయగా..అది నెట్టింట్లో వైరల్ అవుతోంది. తన పెరట్లో కాసిన ఆనపకాయను చూసి తెగ మురిసిపోయాడు చిరు.
‘పెరట్లో ఆన్గెపుకాయ కాస్తేనే నాకు ఇంత సంతోషమనిపిస్తే, మట్టి నుంచి పంట పండించి, మనందరికీ అన్నం పెట్టే రైతు ఇంకెంత సంతోషంగా ఉండాలి.. అలా ఉండేలా మనమే చూసుకోవాలి. వ్యవసాయం చేస్తూ మనందరికీ సాయం చేస్తున్న ప్రతీ ఒక్క రైతుకు నా సెల్యూట్.. ’ అంటూ #nationalfarmersday హ్యాష్ ట్యాగ్ను జోడించాడు చిరంజీవి.
‘అన్నం పెట్టే రైతు పండించి ఎంత ఆనందం పొందుతాడో..అందులో ఎంతో కొంత నేను కూడా అనుభవిస్తున్నా. దానిక్కారణం నేను మా పెరట్లో నేను ఆనపకాయ విత్తనం వేశాను. అది పెద్ద పాదై ఈ రోజు రెండు ఆన్గెపుకాయలు కాసింది’ అని చెబుతూ చిరు షేర్ చేసిన ఈ వీడియో నెట్టింట్లో హల్ చల్ చేస్తోంది.