WhatsApp | మరింత ఆకర్షణీయంగా.. వాట్సాప్ స్టేటస్‌ కోసం నాలుగు సరికొత్త ఫీచర్లు

WhatsApp | ప్రపంచ వ్యాప్తంగా ప్రస్తుతం అధిక శాతం మంది ఉప‌యోగిస్తున్న ఇన్‌స్టంట్ మెసేజింగ్ యాప్‌ల‌లో వాట్సాప్ (WhatsApp) మొద‌టి స్థానంలో ఉంది.

WhatsApp | ప్రపంచ వ్యాప్తంగా ప్రస్తుతం అధిక శాతం మంది ఉప‌యోగిస్తున్న ఇన్‌స్టంట్ మెసేజింగ్ యాప్‌ల‌లో వాట్సాప్ (WhatsApp) మొద‌టి స్థానంలో ఉంది. ఈ యాప్‌ను ప్రస్తుతం ఫేస్‌బుక్ మాతృ సంస్థ మెటా నిర్వహిస్తోంది. ఇప్పటికే ఎన్నో ఆక‌ట్టుకునే ఫీచ‌ర్లను వాట్సాప్‌లో అందిస్తున్నారు. అనేక కొత్త ఫీచ‌ర్లను కూడా అందుబాటులోకి తెస్తున్నారు.

ఇప్పటికే స్టేటస్‌కు పాటల్ని జోడించడం, నచ్చిన వ్యక్తులను ‘మెన్షన్‌’ చేసే సదుపాయం తీసుకొచ్చిన మెసేజింగ్‌ ప్లాట్‌ఫామ్‌ త్వరలో మరో నాలుగు సరికొత్త స్టేటస్‌ ఫీచర్లను అందుబాటులోకి తీసుకురానుంది. ఈ విషయాన్ని మెటా తన అధికారిక బ్లాగ్‌లో ప్రకటించింది. నచ్చిన లేఅవుట్‌, మోర్‌ విత్‌ మ్యూజిక్‌, ఫొటో స్టిక్కర్స్‌, యాడ్‌ యువర్స్‌.. ఈ నాలుగు స్టేటస్‌ ఫీచర్లను యూజర్లకు త్వరలో పరిచయం చేయనున్నట్లు వెల్లడించింది.

కొత్త ఫీచర్లు ఇవే..

• వాట్సాప్ యాప్‌లోనే కొల్లేజ్‌ (collage)ను సృష్టించే సౌకర్యాన్ని అందిస్తోంది. నచ్చిన లేఅవుట్‌ (layouts)తో కొల్లేజ్‌ను రూపొందించవచ్చు. ఎడిటింగ్‌ టూల్స్ సాయంతో స్టేటస్‌లను మరింత ఆకర్షణీయంగా తయారు చేసుకోవచ్చు. యూజర్లు గరిష్ఠంగా ఆరు ఫొటోలను ఎంచుకొని, వాటిని వివిధ లేఅవుట్‌లలో కొల్లేజ్‌గా రూపొందించుకోవచ్చు.
• ఇక రెండోది.. వాట్సప్‌ స్టేటస్‌లకు మ్యూజిక్‌ యాడ్‌ చేసే సదుపాయాన్ని మెసేజింగ్‌ ప్లాట్‌ఫామ్‌ తాజాగా తీసుకొచ్చింది. ఈ ‘మోర్‌ విత్‌ మ్యూజిక్‌’ ఫీచర్‌తో యూజర్లు ఒక పాటను నేరుగా వారి స్టేటస్‌గా పోస్ట్‌ చేయొచ్చు.
• ఫొటోలను స్టిక్కర్లుగా మార్చుకునే అవకాశాన్ని కల్పిస్తోంది. దీని సాయంతో ఫొటోను స్టిక్కర్‌గా మార్చేసి స్టేటస్‌లో పోస్ట్‌ చేయొచ్చు. మీకు నచ్చిన విధంగా స్టైలింగ్‌ చేస్తూ ప్రత్యేకతను చాటొచ్చు.
• ఫేస్‌బుక్‌, ఇన్‌స్టాగ్రామ్‌ వంటి ప్లాట్‌ఫామ్‌ల్లో ఇప్పటికే విజయవంతమైన ఇంటరాక్టివ్‌ టూల్‌ ‘యాడ్‌ యువర్స్’ ఫీచర్‌ త్వరలో వాట్సప్‌లోకి వచ్చేస్తోంది. దీనివల్ల యూజర్లు తమ ఫ్రెండ్స్‌ను స్టేటస్‌ సంభాషణలో చేర్చొచ్చు. ఈ కొత్త ఫీచర్లతో వాట్సప్‌ స్టేటస్‌ మరింత ఆకర్షణీయంగా మారనుంది.

Also Read..

Mock Drills | నేడు పాక్‌ సరిహద్దు రాష్ర్టాల్లో మాక్‌ డ్రిల్స్‌

Neha Bhandari: బీఎస్ఎఫ్ మ‌హిళా ఆఫీస‌ర్ నేహా భండారిని స‌త్క‌రించిన ఆర్మీ చీఫ్‌

Covid-19 | దేశంలో క్రమంగా పెరుగుతున్న కరోనా వైరస్‌ వ్యాప్తి.. రెండు వేలు దాటిన పాజిటివ్‌ కేసులు