NPS | మారిన రూల్స్‌.. ఇకపై ఎన్‌పీఎస్‌ లాగిన్‌ ఎలా చేయాలంటే?

కొత్త ఆర్థిక సంవత్సరం (2024-25) మొదలు నేషనల్‌ పెన్షన్‌ స్కీం (ఎన్‌పీఎస్‌)లో మార్పులు వచ్చాయి. ఈ క్రమంలోనే ఎన్‌పీఎస్‌లోకి లాగిన్‌ అయ్యే పద్ధతి మారింది.

NPS | కొత్త ఆర్థిక సంవత్సరం (2024-25) మొదలు నేషనల్‌ పెన్షన్‌ స్కీం (ఎన్‌పీఎస్‌)లో మార్పులు వచ్చాయి. ఈ క్రమంలోనే ఎన్‌పీఎస్‌లోకి లాగిన్‌ అయ్యే పద్ధతి మారింది. పెన్షన్‌ ఫండ్‌ రెగ్యులేటరీ అండ్‌ డెవలప్‌మెంట్‌ అథారిటీ (పీఎఫ్‌ఆర్‌డీఏ).. ఆధార్‌ ఆధారిత లాగిన్‌ అథెంటికేషన్‌ను తీసుకొచ్చింది. ఇది యూజర్‌ ఐడీ, పాస్‌వర్డ్‌లతో ఉంటుంది. దీని ప్రకారం..

• తొలుత ఎన్‌పీఎస్‌ వెబ్‌సైట్‌కు వెళ్లాలి.
• అనంతరం పర్మనెంట్‌ రిటైర్మెంట్‌ అకౌంట్‌ నంబర్‌ (పీఆర్‌ఏఎన్‌)/ఇంటర్నెట్‌ పర్సనల్‌ ఐడెంటిఫికేషన్‌ నంబర్‌ (ఐపీఐఎన్‌)తో లాగిన్‌ కావాలి. ఆపై పీఆర్‌ఏఎన్‌/ఐపీఐఎన్‌ టాబ్‌పై క్లిక్‌ చేయాలి.
• ఓ కొత్త విండో తెరుచుకుంటుంది. అక్కడ మీ ఐడీ, పాస్‌వర్డ్‌లను ఎంటర్‌ చేయాలి.
• ఆ తర్వాత క్యాప్చాను ఎంటర్‌ చేయాలి. ఆపై తెరుచుకునే విండో.. ఆధార్‌ ఆధారిత అంథెటికేషన్‌ అడుగుతుంది.
• అనంతరం మీ రిజిస్టర్డ్‌ మొబైల్‌ నంబర్‌కు ఓటీపీ వస్తుంది.
• ఓటీపీని ఎంటర్‌ చేస్తే.. మీ ఎన్‌పీఎస్‌ ఖాతా తెరుచుకుంటుంది.