Inflation | ఆహారోత్పత్తుల ధరల పెరుగుదలతో ద్రవ్యోల్బణం మూడు నెలల గరిష్ఠం
Inflation | ఆహారోత్పత్తులు.. ముఖ్యంగా కూరగాయల ధరలు గణనీయంగా పెరగడంతో జూన్ నెలలో రిటైల్ ద్రవ్యోల్బణం మూడు నెలల గరిష్ఠం 4.81 శాతానికి చేరింది. వినిమయ ధరల సూచి ఆధారంగా లెక్కించే ద్రవ్యోల్బణం మే నెలలో 4.31 శాతంగా ఉంది.
Inflation | న్యూఢిల్లీ, జూలై 12: ఆహారోత్పత్తులు.. ముఖ్యంగా కూరగాయల ధరలు గణనీయంగా పెరగడంతో జూన్ నెలలో రిటైల్ ద్రవ్యోల్బణం మూడు నెలల గరిష్ఠం 4.81 శాతానికి చేరింది. వినిమయ ధరల సూచి ఆధారంగా లెక్కించే ద్రవ్యోల్బణం మే నెలలో 4.31 శాతంగా ఉంది. అయితే 2022 జూన్లో ఇది 7 శాతం. ఈ ఏడాది మార్చిలో నమోదైన 5.66 శాతం తర్వాత గరిష్ఠస్థాయి ఈ జూన్ నెలలోనే. రిజర్వ్ బ్యాంక్ వడ్డీ రేట్ల నిర్ణయాలు సీపీఐ ద్రవ్యోల్బణం ఆధారంగా ఉంటుంది. 4 శాతానికి 2 శాతం అటూఇటూగా ద్రవ్యోల్బణాన్ని అదుపు చేయాలంటూ ఆర్బీఐకి కేంద్రం నిర్దేశించగా, జూన్లో ఇది పెరిగినప్పటికీ గరిష్ఠ పరిమితి 6 శాతం దిగువనే ఉండటం సానుకూలాంశమని విశ్లేషకులు అంటున్నారు. ఆర్బీఐ తదుపరి సమీక్ష ఆగస్టులో జరగనుంది.
నెలరోజుల్లోనే భారీ పెరుగుదల
సీపీఐలో దాదాపు సగభాగం ఉన్న ఆహారోత్పత్తుల ధరలు నెలరోజుల్లోనే భారీగా పెరిగాయి. ఫుడ్ బాస్కెట్ ద్రవ్యోల్బణం మే నెలలో 2.96 శాతంకాగా, జూన్లో 4.49 శాతానికి ఎగిసింది. గ్రామీణ ద్రవ్యోల్బణం 4.72 శాతానికి, పట్టణ ద్రవ్యోల్బణం 4.96 శాతానికి చేరింది. 2023 మే నెలలో నిరుడు ఇదే నెలతో పోలిస్తే కూరగాయల ద్రవ్యోల్బణం రేటు 8.1 శాతం క్షీణించగా, జూన్లో ఈ క్షీణత 0.93 శాతమే. దీంతో నెలవారిగా కూరగాయల ధరలు భారీగా పెరిగినట్లయ్యింది. కొద్ది వారాలుగా కూరగాయలు.. ప్రధానంగా టమాటా ధర ఆకాశాన్నంటిన సంగతి తెలిసిందే. తృణధాన్యాల ద్రవ్యోల్బణం రేటు మే నెలతో పోలిస్తే జూన్లో 12.65 శాతం నుంచి 12.71 శాతానికి చేరింది. ప్రస్తుతం ఉత్తరాదిన అధిక వర్షపాతం కారణంగా ఆహారోత్పత్తులు, ముఖ్యంగా కూరగాయల ధరలు గరిష్ఠస్థాయిలోనే కొనసాగవచ్చని, దీంతో సమీప భవిష్యత్తులో ఆహార ద్రవ్యోల్బణం మరింత పెరగవచ్చని ఇక్రా ప్రధాన ఆర్థికవేత్త అదితి నాయర్ చెప్పారు.
పారిశ్రామికం ఫర్వాలేదు..
పారిశ్రామికం మళ్లీ పరుగులు పెడుతున్నది. మే నెలలో పారిశ్రామికోత్పత్తి సూచీ 5.2 శాతం వృద్ధిని నమోదు చేసుకున్నది. ఏప్రిల్ నెలలో నమోదైన 4.5%తో పోలిస్తే పెరగగా..అంతక్రితం ఏడాది ఇదే నెలలో నమోదైన 19.7%తో పోలిస్తే మాత్రం భారీ గా పడిపోయింది. తయారీ, గనుల రంగాలు రాణించడం వల్లనే పారిశ్రామిక సూచీ పెరిగిందని జాతీయ గణాంకాల శాఖ విడుదల చేసిన నివేదికలో వెల్లడించింది.
Read Today's Latest Business News in Telugu and Telugu News
RELATED ARTICLES
తాజా వార్తలు
Congress Leaders Attack | ఫేస్బుక్ మెటా ఆఫీస్ పై కాంగ్రెస్ నాయకుల దాడి
Hyderabad | నీటి ట్యాంకు నుంచి వృథాగా పోతున్న తాగునీరు..
Enugula Rakesh Reddy | యూత్ డిక్లరేషన్ పేరుతో యువతను మోసం చేసిన కాంగ్రెస్ : ఏనుగుల రాకేష్రెడ్డి
Road Accident | ఆటో బోల్తా..ఐదుగురికి గాయాలు
Sensational Comments | రేవంత్ రెడ్డిపై సంచలన వ్యాఖ్యలు.. సోనియాగాంధీకి సీనియర్ నాయకుడు లేఖ
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

