భారీ లాభాల్లో స్టాక్‌ మార్కెట్లు

దేశీయ స్టాక్‌ మార్కె ట్లు వరుసగా రెండోరోజూ లాభాల్లో ముగిశాయి. భారత్‌-ఈయూ దేశాల మధ్య స్వేచ్ఛ వాణిజ్య ఒప్పందం కుదరడంతో మదుపరుల్లో ఉత్తేజాన్ని నింపింది.

• సెన్సెక్స్‌ 487, నిఫ్టీ 167 పాయింట్ల లాభం

ముంబై, జనవరి 28: దేశీయ స్టాక్‌ మార్కె ట్లు వరుసగా రెండోరోజూ లాభాల్లో ముగిశాయి. భారత్‌-ఈయూ దేశాల మధ్య స్వేచ్ఛ వాణిజ్య ఒప్పందం కుదరడంతో మదుపరుల్లో ఉత్తేజాన్ని నింపింది. ఫలితంగా కొనుగోళ్లకు మొగ్గుచూపడంతో బుధవారం కూడా సూచీలు కదంతొక్కాయి. ఇంట్రాడేలో 600 పాయింట్లకు పైగా పెరిగిన 30 షేర్ల ఇండెక్స్‌ సూచీ సెన్సెక్స్‌ చివరకు 487.20 పాయింట్లు అందుకొని 82,344.68 వద్ద స్థిరపడింది. మరో సూచీ ఎన్‌ఎస్‌ఈ నిఫ్టీ 167.35 పాయింట్లు ఎగబాకి 25,342.75 వద్ద ముగిసింది.

• బీఈఎల్‌ షేరు 8.90 శాతం ఎగబాకి టాప్‌ గెయినర్‌గా నిలిచింది. ఓఎన్‌జీసీ, హెచ్‌ఏఎల్‌, కోల్‌ ఇండియా, ఎటర్నల్‌, హిందాల్కో, బజాజ్‌ఫైనాన్స్‌, పవర్‌గ్రిడ్‌ షేర్లు రెండు శాతానికి పైగా ఎగబాకాయి.
• వీటితోపాటు ట్రెంట్‌, అదానీఎంటర్‌ప్రైజెస్‌, శ్రీరామ్‌ఫైనాన్స్‌, మహీంద్రా అండ్‌ మహీంద్రా, అల్ట్రాటెక్‌సిమెంట్‌, బజాజ్‌ఫిన్‌సర్వ్‌, టీసీఎస్‌, అదానీపోర్ట్స్‌, సిప్లా, రిలయన్స్‌, విప్రో, టెక్‌మహీంద్రా షేర్లు కూడా బలపడ్డాయి.
• టాటా కన్జ్యూమర్‌ షేరు 4.70 శాతం తగ్గి టాప్‌ లూజర్‌గా నిలిచింది.