ఐదోరోజూ అదే తీరు

దేశీయ స్టాక్‌ మార్కెట్ల నష్టాలు కొనసాగుతున్నాయి. పశ్చిమాసియా దేశాల్లో ఉద్రిక్తత పరిస్థితులు కొనసాగుతుండటం, విదేశీ మదుపరులు భారీగా నిధులను ఉపసంహరించుకోవడంతో వరుసగా ఐదోరోజూ భారీగా నష్టపోయాయి.

• భారీ నష్టాల్లోనే స్టాక్‌ మార్కెట్లు
• సెన్సెక్స్‌ 809, నిఫ్టీ 235 పాయింట్లు క్షీణత

ముంబై, అక్టోబర్‌ 4: దేశీయ స్టాక్‌ మార్కెట్ల నష్టాలు కొనసాగుతున్నాయి. పశ్చిమాసియా దేశాల్లో ఉద్రిక్తత పరిస్థితులు కొనసాగుతుండటం, విదేశీ మదుపరులు భారీగా నిధులను ఉపసంహరించుకోవడంతో వరుసగా ఐదోరోజూ భారీగా నష్టపోయాయి. నష్టాల ప్రారంభమైన సూచీలు చివరివరకు అదే ట్రెండ్‌ను కొనసాగించాయి. ఎఫ్‌ఎంసీజీ, ఎనర్జీ రంగ షేర్లలో అమ్మకాలు పోటెత్తడంతో వారాంతం ట్రేడింగ్‌లో 30 షేర్ల ఇండెక్స్‌ సూచీ 800 పాయింట్లకు పైగా నష్టపోయింది 1,835.63 పాయింట్ల శ్రేణిలో కదలాడిన సెన్సెక్స్‌ చివరకు 808.65 పాయింట్లు కోల్పోయి మూడు వారాల కనిష్ఠస్థాయి 81,688.45 వద్దకు పడిపోయింది. అటు ఎన్‌ఎస్‌ఈ నిఫ్టీ కూడా 235.50 పాయింట్లు జారుకొని 25,014.60 వద్ద స్థిరపడింది. ఇంట్రాడేలో 25 వేల పాయింట్ల దిగువకు పడిపోయిన సూచీ చివర్లో ఈ భారీ నష్టాలను తగ్గించుకోగలిగింది.

5 రోజులు..16 లక్షల కోట్లు
సూచీల భారీ నష్టాలు మదుపరులకు ముచ్చెమటలు పట్టిస్తున్నాయి. గత ఐదు రోజుల్లో ఏకంగా మదుపరులు రూ.16 లక్షల కోట్ల సంపదను కోల్పోయారు. గతంలో రికార్డు స్థాయిలో దూసుకుపోయిన బీఎస్‌ఈలో లిైస్టెన సంస్థల విలువ అంతే వేగంతో పాతాళంలోకి జారుకున్నది. ఇదే క్రమంలో శుక్రవారం బీఎస్‌ఈలో లిైస్టెన కంపెనీల విలువ రూ.16,26,691.48 కోట్లు కరిగిపోయి రూ.4,60,89,598.54 కోట్ల(5.49 ట్రిలియన్‌ డాలర్లు)కు జారుకున్నది. గత ఐదు రోజుల్లో సెన్సెక్స్‌ 4,147.67 పాయింట్లు లేదా 4.83 శాతం నష్టపోయింది.

• రియల్టీ రంగ సూచీ 1.60 శాతం, వాహన 1.50 శాతం, టెలికమ్యూనికేషన్‌ 1.25 శాతం, యుటిలిటీ 1.20 శాతం, కమోడిటీస్‌ 1.14 శాతం మేర నష్టపోయాయి. కానీ, ఐటీ రంగ షేర్లు లాభాల్లో ముగిశాయి.
• ఈవారంలో సెన్సెక్స్‌ 3,883.40 పాయింట్లు(4.60 శాతం), నిఫ్టీ 1,164.35 పాయింట్లు(4.5 శాతం) నష్టపోయింది. గత రెండేండ్లలో ఒక్క వారంలో ఇంతటి స్థాయిలో పతనం చెందడం ఇదే తొలిసారి.
• మహీంద్రా అండ్‌ మహీంద్రా షేరు 4 శాతం వరకు నష్టపోయి టాప్‌ లూజర్‌గా నిలిచింది.
• దీంతోపాటు బజాజ్‌ ఫైనాన్స్‌, నెస్లె, ఏషియన్‌ పెయింట్స్‌, అల్ట్రాటెక్‌ సిమెంట్‌, భారతీఎయిర్‌టెల్‌, ఐటీసీ, హెచ్‌యూఎల్‌, హెచ్‌డీఎఫ్‌సీ బ్యాంక్‌, రిలయన్స్‌, ఐసీఐసీఐ బ్యాంక్‌, ఎన్‌టీపీసీలు ఒక్క శాతానికి పైగా నష్టపోయాయి.
• అదానీ పోర్ట్స్‌, కొటక్‌ బ్యాంక్‌, జేఎస్‌డబ్ల్యూ స్టీల్‌, మారుతి, టైటాన్‌, ఇండస్‌ఇండ్‌ బ్యాంక్‌, ఎల్‌అండ్‌టీ, సన్‌ఫార్మా, టాటా స్టీల్‌, హెచ్‌సీఎల్‌ టెక్నాలజీ షేర్లు పతనం చెందాయి.