ఎస్బీఐ వడ్డీరేట్లు పావుశాతంపెంపు

స్టేట్‌ బ్యాంక్‌ ఆఫ్‌ ఇండియా(ఎస్బీఐ) మరోసారి వడ్డీరేట్లను పెంచింది. మార్జినల్‌ కాస్ట్‌ ఆఫ్‌ ఫండ్స్‌-బేస్డ్‌ లెండింగ్‌ రేటు(ఎంసీఎల్‌ఆర్‌)ని 25 బేసిస్‌ పాయింట్లు పెంచింది. దీంతో ఎంసీఎల్‌ఆర్‌తో అనుసంధానమైన అన్ని రకాల రుణాలపై నెలవారి చెల్లింపులు మరింత అధికంకానున్నాయి.

న్యూఢిల్లీ, డిసెంబర్‌ 15: స్టేట్‌ బ్యాంక్‌ ఆఫ్‌ ఇండియా(ఎస్బీఐ) మరోసారి వడ్డీరేట్లను పెంచింది. మార్జినల్‌ కాస్ట్‌ ఆఫ్‌ ఫండ్స్‌-బేస్డ్‌ లెండింగ్‌ రేటు(ఎంసీఎల్‌ఆర్‌)ని 25 బేసిస్‌ పాయింట్లు పెంచింది. దీంతో ఎంసీఎల్‌ఆర్‌తో అనుసంధానమైన అన్ని రకాల రుణాలపై నెలవారి చెల్లింపులు మరింత అధికంకానున్నాయి. పెరిగిన వడ్డీరేట్లు గురువారం నుంచి అమలులోకి వచ్చాయి.

నూతన రేట్లు ఇలా..

• ఒక్కరోజు రుణాలపై రేటు 7.60 శాతం నుంచి 7.85 శాతానికి
•  నెల, 3 నెలల రుణాలపై వడ్డీరేటు 7.75 శాతం నుంచి 8 శాతానికి
• ఆరు, ఏడాది కాలపరిమితి రుణాలపై రేటు 8.05 శాతం నుంచి 8.30 శాతానికి
• రెండేండ్ల రుణాలపై వడ్డీరేటును 8.50 శాతానికి పెంచిన బ్యాంక్‌..మూడేండ్ల రుణాలపై రేటును 8.60 శాతానికి సవరించింది.