Sensex | తిరిగి కోలుకున్న స్టాక్‌ మార్కెట్లు.. 367 పాయింట్లు పెరిగిన సెన్సెక్స్‌

Sensex | దేశీయ స్టాక్‌ మార్కెట్లు తిరిగి కోలుకున్నాయి. వరుసగా రెండురోజులుగా భారీగా నష్టపోయిన సూచీలకు బ్లూచిప్‌ సంస్థల నుంచి లభించిన మద్దతుతోపాటు అంతర్జాతీయ మార్కెట్ల నుంచి వచ్చిన సానుకూల అంశాలు దన్నుగా నిలిచాయి. నష్టాల్లో ప్రారంభమైన 30 షేర్ల ఇండెక్స్‌ సూచీ సెన్సెక్స్‌ చివరి గంటలో మదుపరులు ఎగబడి కొనుగోళ్లు జరపగడంతో సూచీలు లాభాల్లోకి వచ్చాయి.

Sensex | ముంబై, జూలై 31: దేశీయ స్టాక్‌ మార్కెట్లు తిరిగి కోలుకున్నాయి. వరుసగా రెండురోజులుగా భారీగా నష్టపోయిన సూచీలకు బ్లూచిప్‌ సంస్థల నుంచి లభించిన మద్దతుతోపాటు అంతర్జాతీయ మార్కెట్ల నుంచి వచ్చిన సానుకూల అంశాలు దన్నుగా నిలిచాయి. నష్టాల్లో ప్రారంభమైన 30 షేర్ల ఇండెక్స్‌ సూచీ సెన్సెక్స్‌ చివరి గంటలో మదుపరులు ఎగబడి కొనుగోళ్లు జరపగడంతో సూచీలు లాభాల్లోకి వచ్చాయి. మార్కెట్‌ ముగిసే సమయానికి సూచీ 367.47 పాయింట్లు లాభపడి 66,527.67 వద్ద ముగిసింది. చమురు, ఐటీ, మెటల్‌ రంగ షేర్లకు మదుపరుల నుంచి లభించిన మద్దతుతో 30 షేర్లలో 24 షేర్లు లాభాల్లో ముగిశాయి. అటు ఎన్‌ఎస్‌ఈ నిఫ్టీ 107.75 పాయింట్లు అందుకొని 19,753.80 వద్ద స్థిరపడింది.

• ఎన్‌టీపీసీ షేరు 4 శాతం లాభపడి టాప్‌గెయినర్‌గా నిలిచింది. అలాగే మారుతి సుజుకీ 1.56 శాతం, టీసీఎస్‌ 1.96 శాతం, రిలయన్స్‌, పవర్‌గ్రిడ్‌, టెక్‌ మహీంద్రా, టాటా స్టీల్‌, విప్రో, జేఎస్‌డబ్ల్యూ షేర్లు లాభాల్లో ముగిశాయి.
• కానీ, బజాజ్‌ ఫైనాన్స్‌, కొటక్‌ మహీంద్రా బ్యాంక్‌, హెచ్‌యూఎల్‌, ఐటీసీ, ఎయిర్‌టెల్‌, ఏషియన్‌ పెయింట్స్‌ నష్టాల్లోకి జారుకున్నాయి.
• రంగాలవారీగా చూస్తే యుటిలిటీ, పవర్‌, మెటల్‌, ఇండస్ట్రియల్స్‌, సర్వీసెస్‌, క్యాపిటల్‌ గూడ్స్‌, ఐటీ, కమోడిటీ రంగాల షేర్లు లాభపడ్డాయి.