ఆఫర్లే.. ఆఫర్లు.. రిపబ్లిక్‌ డే సందర్భంగా రిటైలర్లు 50 శాతం డిస్కౌంట్‌

గణతంత్ర దినోత్సవం వచ్చిందంటే చాలు ఆన్‌లైన్‌, రిటైల్‌ సంస్థలు భారీ ఆఫర్లను తెరపైకి తీసుకొస్తుంటాయి. ఇదే క్రమంలో వచ్చే సోమవారం రిపబ్లిక్‌ డే సందర్భంగా ఈ-కామర్‌ దిగ్గజ సంస్థలతోపాటు రిటైలర్లు కూడా పెద్ద ఎత్తున ఆఫర్లను ఇప్పటికే ప్రకటించాయి.

న్యూఢిల్లీ, జనవరి 24: గణతంత్ర దినోత్సవం వచ్చిందంటే చాలు ఆన్‌లైన్‌, రిటైల్‌ సంస్థలు భారీ ఆఫర్లను తెరపైకి తీసుకొస్తుంటాయి. ఇదే క్రమంలో వచ్చే సోమవారం రిపబ్లిక్‌ డే సందర్భంగా ఈ-కామర్‌ దిగ్గజ సంస్థలతోపాటు రిటైలర్లు కూడా పెద్ద ఎత్తున ఆఫర్లను ఇప్పటికే ప్రకటించాయి. వరుసగా సెలవు రోజులు, వారాంతం కావడంతో కొనుగోలుదారులను ముందుగానే ఆకట్టుకోవడానికి ఇప్పటికే పలు సంస్థలు ఆఫర్లను తెరపైకి తీసుకొచాయి.

ఈసారి మాత్రం సంస్థలు ఏకంగా 50 శాతం వరకు డిస్కౌంట్‌లు ఇస్తున్నట్టు ప్రకటించాయి. వింటర్‌ స్టాక్‌ను క్లీయర్‌ చేసుకోవాలనే ఉద్దేశంతో పాటు నూతన కలెక్షన్లను అందించడానికి డిస్కౌంట్‌ రూపంలో భారీగా ఇస్తున్నాయి. ముఖ్యంగా ఫ్యాషన్‌, రిటైల్‌, మాల్‌, క్లాథింగ్‌ ప్రీమియం, ఎలక్ట్రానిక్‌ ఉత్పత్తులపై అధికంగా డిస్కౌంట్‌ను అందిస్తున్నాయి. ఈ-కామర్స్‌ దిగ్గజాలతోపాటు ఆన్‌లైన్‌, రిటైలర్లు ప్రత్యేక డిస్కౌంట్‌ ఆఫర్లను అందుబాటులోకి తీసుకొచ్చాయి.

క్రోమాలో ఆఫర్లు ఇవే

• ఐఫోన్‌ 17ని రూ.47,900, ఐఫోన్‌ 15ని రూ.31,990కి అందిస్తున్నది.
• సామ్‌సంగ్‌ స్మార్ట్‌ఫోన్లను తగ్గింపు ధరకే విక్రయిస్తున్నది. గెలాక్సీ ఎస్‌25ని రూ.50,499కే
• స్మార్ట్‌ఫోన్లు, ల్యాప్‌టాప్‌లు, టీవీలు, గృహోపకరణాలను తగ్గింపు ధరలకు విక్రయిస్తున్నది.
• ఈ ఆఫర్లు ఈ నెల 26 వరకు అందుబాటులో ఉండనున్నాయి.
• ఎక్సేంజ్‌ ఆఫర్లు, బ్యాంక్‌ డిస్కౌంట్లు, క్యాష్‌బ్యాక్‌ డీల్స్‌, ప్రీమియం గ్యాడ్జెట్లను తక్కువ ధరలకే అందిస్తున్నది.

రిలయన్స్‌ డిజిటల్‌లో..

• ఎలక్ట్రానిక్స్‌, గృహోపకరణాల కొనుగోలుపై భారీ రాయితీ ప్రకటించింది. కన్జ్యూమర్‌ డ్యూరబుల్‌పై రూ.26 వేల వరకు ఇన్‌స్టంట్‌ బ్యాంక్‌ డిస్కౌంట్‌, రూ.30 వేల వరకు క్యాష్‌బ్యాక్‌, యూపీఐ ద్వారా చెల్లింపులు జరిపిన వారికి మరో ఐదు శాతం డిస్కౌంట్‌ను ఇస్తున్నది.
• యాపిల్‌కు చెందిన ఉత్పత్తులపై రూ.20 వేల వరకు తగ్గింపు ధరకే విక్రయిస్తున్నది.
• 65 ఇంచుల క్యూలెడ్‌ టీవీని రూ. 44,990కే అందచేస్తున్నది. రూ.7,999 ప్రారంభ ధరతో రిఫ్రిజిరేటర్లను విక్రయిస్తున్నది.