ఓలా అక్షయ తృతీయ ఆఫర్లు.. రూ50 వేలకు ప్రయోజనాలు కల్పించిన సంస్థ

ప్రముఖ ఎలక్ట్రిక్‌ వాహన తయారీ సంస్థ ఓలా ఎలక్ట్రిక్‌..అక్షయ తృతీయ సందర్భంగా ప్రత్యేక ఆఫర్‌ అందుబాటులోకి తీసుకొచ్చింది. ఎంపిక చేసిన మాడళ్లపై రూ.50 వేల వరకు ఆర్థిక ప్రయోజనాలు పొందవచ్చునని సంస్థ తెలిపింది.

న్యూఢిల్లీ, ఏప్రిల్‌ 18: ప్రముఖ ఎలక్ట్రిక్‌ వాహన తయారీ సంస్థ ఓలా ఎలక్ట్రిక్‌..అక్షయ తృతీయ సందర్భంగా ప్రత్యేక ఆఫర్‌ అందుబాటులోకి తీసుకొచ్చింది. ఎంపిక చేసిన మాడళ్లపై రూ.50 వేల వరకు ఆర్థిక ప్రయోజనాలు పొందవచ్చునని సంస్థ తెలిపింది. ఈ ప్రత్యేక ఆఫర్లు ఆదివారం మాత్రమే అందుబాటులో ఉంటుందని పేర్కొంది. అక్షయ తృతీయ సందర్భంగా బంగారం కొనుగోలు చేయడం ఆనవాయితీగా వస్తున్నది. ఈ ఆదివారం కంపెనీ స్కూటర్‌ను కొనుగోలు చేసిన వారు ఓలా సోనాను గెలుచుకునే అవకాశం కూడా సంస్థ కల్పించింది.

వీటిలో జెన్‌ 3 ఎస్‌ఐ ఎక్స్‌(2 కిలోవాట్‌), రోడ్‌స్టర్‌ ఎక్స్‌(2.5 కిలోవాట్‌)ను కేవలం రూ.49,999కి కొనుగోలు చేయవచ్చు. లిమిటెడ్‌ ఎడిషన్‌గా విడుదల చేసిన స్కూటర్‌ను 24 క్యారెట్‌ గోల్డ్‌ ప్లేటెడ్‌తో తయారు చేసింది. అలాగే రోడ్‌స్టర్‌ ఎక్స్‌+ 9.1 కిలోవాట్ల బ్యాటరీ కలిగిన మాడల్‌కు రూ.50 వేలు రాయితీ ఇస్తుండటంతో ఈ బైకు ధర రూ.1,39,999కి దిగిరానున్నది. ఈ బైకుపై ఎనిమిదేండ్ల వ్యారెంటీని కూడా కల్పిస్తున్నది. వాహనాలపై రూ.40 వేల వరకు సంస్థ డిస్కౌంట్‌ ఇస్తుండగా, మరో రూ.10 వేలు ఈఎంఐ రూపంలో లభించనున్నాయి.