ఎన్‌ఎండీసీ 500 కోట్ల పెట్టుబడి

ఖనిజ ఉత్పత్తిలో అగ్రగామి ప్రభుత్వరంగ సంస్థ ఎన్‌ఎండీసీ..ఆంధ్రప్రదేశ్‌లోని చిత్తూరు జిల్లాలో ఏర్పాటు చేయతలపెట్టిన బంగారం గని కోసం చర్యలను వేగవంతం చేసింది. తొలుత 61 మిలియన్‌ డాలర్లు(రూ.500 కోట్లకు పైమాటే) పెట్టుబడి పెట్టబోతున్నది.

హైదరాబాద్‌, జూన్‌ 26: ఖనిజ ఉత్పత్తిలో అగ్రగామి ప్రభుత్వరంగ సంస్థ ఎన్‌ఎండీసీ..ఆంధ్రప్రదేశ్‌లోని చిత్తూరు జిల్లాలో ఏర్పాటు చేయతలపెట్టిన బంగారం గని కోసం చర్యలను వేగవంతం చేసింది. తొలుత 61 మిలియన్‌ డాలర్లు(రూ.500 కోట్లకు పైమాటే) పెట్టుబడి పెట్టబోతున్నది.

ఈ గోల్డ్‌ బ్లాక్‌ కోసం ఏపీ ప్రభుత్వంతో త్వరలో ఒప్పందం కుదుర్చుకోనున్నట్లు కంపెనీ వర్గాలు సూచనప్రాయంగా వెల్లడించాయి. ప్రాంతీయ చట్టాల ప్రకారం ఈ బ్లాక్‌ కోసం మైనింగ్‌ లీజుకు తీసుకున్న మూడేండ్ల లోపు గని పనులు పూర్తి చేయాల్సి ఉంటుంది. 1.83 మిలియన్‌ టన్నుల బంగారం నిల్వలు కలిగిన ఈ బ్లాక్‌లో టన్నుకు 5.15 గ్రాములు మాత్రమే బంగారం రానున్నదని అంచనా.