బుధవారం 24 ఫిబ్రవరి 2021
Business - Jan 29, 2021 , 00:44:36

మారుతికి అమ్మకాల దన్ను

మారుతికి అమ్మకాల దన్ను

  • క్యూ3లో రూ.1,996 కోట్ల లాభం

న్యూఢిల్లీ, జనవరి 28: కార్ల తయారీలో అగ్రగామి సంస్థయైన మారుతి సుజుకీ అంచనాలకుమించి ఆర్థిక ఫలితాలు ప్రకటించింది. డిసెంబర్‌తో ముగిసిన త్రైమాసికంలో  సంస్థ రూ.1,996.70 కోట్ల ఏకీకృత నికర లాభాన్ని ఆర్జించింది. కరోనా సంక్షోభం వల్ల వరుసగా రెండు త్రైమాసికాల్లో నిరాశాజనక పనితీరు కనబరిచిన మారుతి సుజుకీ.. మూడో త్రైమాసికంలో మాత్రం టాప్‌గేర్‌లో దూసుకుపోయింది. పండుగ సీజన్‌ కూడా తోడవడం లాభాల్లో రెండంకెల వృద్ధికి దోహదం చేసింది. 2019-20 క్యూ3లో ఆర్జించిన రూ.1,587.40 కోట్లతో పోలిస్తే ఈసారి లాభం 26 శాతం పెరిగింది. సమీక్షకాలంలో కంపెనీ ఆదాయం ఏడాది ప్రాతిపదికన 13 శాతం పెరిగి రూ.23,471.30 కోట్లకు చేరుకున్నట్లు బీఎస్‌ఈకి సమాచారం అందించింది. గత త్రైమాసికంలో 4,95,897 యూనిట్ల కార్ల విక్రయాలు జరిపింది. అంతక్రితం ఏడాది విక్రయించిన వాటితో పోలిస్తే 13.4 శాతం అధికం. వీటిలో దేశీయంగా 4,67,369 యూనిట్లను విక్రయించగా, మిగతా వాహనాలను ఇతర దేశాలకు ఎగుమతి చేసింది. 

VIDEOS

logo