e-Paper

Advertisement

E-Paper

Apps

Book Your Copy

Visit Telangana Today

Thursday, October 21, 2021
Home బిజినెస్ బీమాతోనే భరోసా

బీమాతోనే భరోసా

కరోనా మహమ్మారి నేపథ్యంలో బీమాకు ప్రాధాన్యం ఎంతో పెరిగింది. జీవిత బీమా, ఆరోగ్య బీమా, ఉద్యోగులకు కంపెనీలు ఇచ్చే గ్రూప్‌ ఇన్సూరెన్స్‌ పాలసీలు ఇలా అన్నింటికీ విపరీతమైన డిమాండ్‌ ఏర్పడింది. ముఖ్యంగా జీవితాన్ని తలకిందులు చేస్తూ పని చేయలేని స్థితికి ఆరోగ్య పరిస్థితి చేరుకున్నా లేదా మరణం సంభవించినా కుటుంబానికి ఆర్థిక భద్రతను కల్పించడంలో జీవిత, ఆరోగ్య బీమాలు రెండూ ప్రధాన భూమికను పోషిస్తున్నాయి. కుటుంబ బాధ్యతను స్వీకరించడంలో యువత కూడా ఈ రోజుల్లో కీలక పాత్రను పోషిస్తున్నారు. ఈ నేపథ్యంలో బీమా అందరికీ తప్పనిసరైంది.

- Advertisement -

ఆరోగ్య బీమా : ఆరోగ్య బీమా పాలసీలు ప్రధానంగా మూడు రకాలు. వ్యక్తిగత, ఫ్యామిలీ ఫ్లోటర్‌, సీనియర్‌ సిటిజన్‌ హెల్త్‌ ఇన్సూరెన్స్‌లు. ఇందులో వ్యక్తిగత ఆరోగ్య బీమా పాలసీ వ్యక్తిగత కవరేజీని మాత్రమే కలిగి ఉంటుంది. ఫ్యామిలీ ఫ్లోటర్‌ ఆరోగ్య బీమా మొత్తం కుటుంబ సభ్యులకు వర్తించేలా తీసుకోవచ్చు. వయసు ఎంత తక్కువగా ఉంటే అంత తక్కువ ప్రీమియం ఉంటుంది. సీనియర్‌ సిటిజన్‌ ఆరోగ్య బీమాలో 60 ఏండ్లకు పైబడినవారికే కవరేజీ ఉంటుంది. దీర్ఘకాలిక వ్యాధులకూ ఇది వర్తిస్తుంది. ఫిజికల్‌, సైకలాజికల్‌ అవసరాలకు తగ్గట్టుగా ఖర్చులు కవర్‌ అవుతాయి.

జీవిత బీమా
జీవిత బీమా పేరులోనే దాని అర్థం అంతా ఇమిడి ఉన్నది. ఒకరి పేరు మీద తీసుకునే జీవిత బీమా.. అతని మరణం తర్వాత కుటుంబానికి ఆర్థిక భద్రతను కల్పిస్తుంది. జీవిత బీమా ద్వారా వచ్చే డెత్‌ బెనిఫిట్‌పై ఆదాయం పన్ను (ఐటీ) ఉండదు. మరో విధంగా చెప్పాలంటే ఎలాంటి కోతలు లేకుండా బీమా మొత్తాన్ని అందిస్తారు. జీవిత బీమా ప్రధానంగా రెండు రకాలు. ఒకటి హోల్‌ లైఫ్‌, రెండోది యూనివర్సల్‌ లైఫ్‌. హోల్‌ లైఫ్‌ ఇన్సూరెన్స్‌ తక్కువ ప్రీమియంతో కచ్చితమైన బీమా మొత్తాన్ని కలిగి ఉంటుంది. యూనివర్సల్‌ లైఫ్‌ ఇన్సూరెన్స్‌లో ప్రీమియం చెల్లింపులు చాలా ఫ్లెక్సిబుల్‌గా ఉంటాయి.

గ్రూప్‌ ఇన్సూరెన్స్‌
కంపెనీల్లో ఉద్యోగంలో చేరిన వెంటనే మేనేజ్‌మెంట్లు మీకు కార్పోరేట్‌ హెల్త్‌ ఇన్సూరెన్స్‌ ప్లాన్‌ ఆఫర్‌ చేస్తాయి. నెలనెలా కొంత మొత్తాన్ని జీతంలోనే మినహాయించుకుంటూ ఉద్యోగులందరికీ ఆరోగ్య బీమా భరోసాను కల్పిస్తాయి. అయితే దీని విలువ కేవలం రెండు నుంచి ఐదు లక్షల వరకే ఉంటుంది. హోదానుబట్టి కాస్త పెరగొచ్చు. మీతోపాటు మీ భార్య, పిల్లలకు, తల్లిదండ్రులకూ ఈ గ్రూప్‌ పాలసీ వర్తిస్తుంది. అయినప్పటికీ మీకు, మీ కుటుంబ సభ్యులకు వ్యక్తిగత ఆరోగ్య బీమాలు ఉండటం అవసరం.

Advertisement
-Advertisement-

తాజావార్తలు

Advertisement

ట్రెండింగ్‌

Advertisement