పాతాళానికి ఎగుమతులు.. మూడేండ్లలో ఎన్నడూ లేనంతగా పతనం
గత మూడేండ్లలో ఎన్నడూ లేనంతగా ఈ జూన్ నెలలో ఎగుమతులు దారుణంగా పడిపోయాయి. అంతర్జాతీయంగా డిమాండ్ మందగించిన ప్రభావంతో ముగిసిన నెలలో ఎగుమతులు 22 శాతం క్షీణించి 32.97 బిలియన్ డాలర్లకు తగ్గాయి.
న్యూఢిల్లీ, జూలై 14: గత మూడేండ్లలో ఎన్నడూ లేనంతగా ఈ జూన్ నెలలో ఎగుమతులు దారుణంగా పడిపోయాయి. అంతర్జాతీయంగా డిమాండ్ మందగించిన ప్రభావంతో ముగిసిన నెలలో ఎగుమతులు 22 శాతం క్షీణించి 32.97 బిలియన్ డాలర్లకు తగ్గాయి. కొవిడ్ పాండమిక్ నేపథ్యంలో 2020 మే నెలలో ఎగుమతులు 33.47 శాతం క్షీణించగా, ఈ స్థాయిలో తగ్గడం తిరిగి 2023 జూన్ నెలలోనే జరిగింది. మరోవైపు జూన్లో దిగుమతులు సైతం భారీగా 17.48 శాతం తగ్గి 53.10 బిలియన్ డాలర్లకు చేరుకున్నట్టు శుక్రవారం కేంద్ర వాణిజ్య శాఖ విడుదల చేసిన గణాంకాలు వెల్లడిస్తున్నాయి. ఎగుమతులతో పాటు దిగుమతులు కూడా తగ్గడంతో వాణిజ్యలోటు 20.3 బిలియన్ డాలర్లకు పరిమితమయ్యింది. 2022 జూన్లో ఇది 22.07 బిలియన్ డాలర్లు. గణాంకాల వివరాలు..
ఎగుమతులు ప్చ్..
జూన్ నెలలో మొత్తం 30 కీలక రంగాల్లో 21 రంగాల ఎగుమతుల వృద్ధి మైనస్లో పడిపోయింది. పెట్రోలియం ఉత్పత్తులు, తగ్గినవాటిలో ప్లాస్టిక్, రెడీమేడ్ దుస్తులు, ఇంజనీరింగ్, కెమికల్స్, జెమ్స్ జ్యువెల్లరీ, లెదర్, సముద్ర ఉత్పత్తులు ఉన్నాయి.
ఎలక్ట్రానిక్స్ గూడ్స్ ఎగుమతుల మాత్రం 45.36 శాతం పెరిగి 2.43 బిలియన్ డాలర్లకు చేరాయి. ఈ ఆర్థిక సంవత్సరం ఏప్రిల్-జూన్ మధ్యకాలంలో ఈ ఎగుమతులు 47 శాతం పెరిగి 6.96 బిలియన్ డాలర్లకు తగ్గాయి.
దేశాలవారీగా చూస్తే నెదర్లాండ్స్, యూకే, సౌదీ అరేబియాలకు ఎగుమతులు పెరగ్గా. చైనా, యుఏఈ, యూఎస్, జర్మనీ, ఇటలీ, బంగ్లాదేశ్లకు తగ్గాయి.
దిగుమతుల తీరు
- ఈ ఆర్థిక సంవత్సరం ఏప్రిల్-జూన్ మధ్యకాలంలో ఎగుమతులు 15.13 శాతం తగ్గి 102.68 బిలియన్ డాలర్లకు చేరాయి.
- ఈ మూడు నెలల్లో ఎగుమతులు కూడా 12.67 శాతం క్షీణించి 160.28 డాలర్ల వద్ద నిలిచాయి.
- 2023 ఏప్రిల్-జూన్లో వాణిజ్య లోటు 62.6 బిలియన్ డాలర్ల నుంచి 57.6 బిలియన్ డాలర్లకు పరిమితమయ్యింది.
- జూన్ నెలలో చమురు దిగుమతులు 33.8 శాతం తగ్గి 12.54 బిలియన్ డాలర్లకు చేరుకున్నాయి. మూడు నెలల్లో ఇవి 18.52 శాతం క్షీణతతో 43.4 బిలియన్ డాలర్లకు తగ్గాయి. అంతర్జాతీయంగా ముడి చమురు ధరలు తగ్గడంతో విలువ రీత్యా క్రూడ్ దిగుమతులు తగ్గుముఖం పట్టాయి.
- జూన్ నెలలో బంగారం దిగుమతులు మాత్రం భారీగా 82.38 శాతం పెరిగి 5 బిలియన్ డాలర్లకు చేరాయి. అయితే ఏప్రిల్-జూన్లో ఇవి 7.54 శాతం తగ్గుదలతో 9.7 బిలియన్ డాలర్లుగా నమోదయ్యాయి.
- వెండి దిగుమతులు 94 శాతం క్షీణించి 0.79 బిలియన్ డాలర్లకు తగ్గాయి.
- దేశాలవారీగా చూస్తే రష్యా, స్విట్జర్లాండ్ నుంచి దిగుమతులు పెరగ్గా, చైనా నుంచి 23.6 బిలియన్ డాలర్లకు తగ్గాయి. యునైటెడ్ అరబ్ ఎమిరేట్స్నుంచి దిగుమతులు కూడా 10.31 బిలియన్ డాలర్లకు క్షీణించాయి.
అంతా గ్లోబల్ చేతుల్లోనే..
- తాజాగా వెల్లడైన బలహీన గణాంకాలపై కేంద్ర వాణిజ్య కార్యదర్శి సునీల్ బర్తాల్ మాట్లాడుతూ వాణిజ్య రంగం వృద్ధి అంతా అంతర్జాతీయ అంశాలపైనే ఆధారపడి ఉందని చెప్పారు. ప్రపంచ వాణిజ్యం మందగిస్తుందంటూ వరల్డ్ ట్రేడ్ ఆర్గనైజేషన్ (డబ్ల్యూటీవో) అంచనాల్ని వెల్లడించిందని, ‘ఆ భయాలు నిజమయ్యాయి’ అని వ్యా ఖ్యానించారు. వాణిజ్య వృద్ధి పతనానికి కారణాలు వివరిస్తూ అధిక ద్రవ్యోల్బణంతో యూఎస్, యూ రప్ తదితర ప్రధాన ఆర్థిక వ్యవస్థలన్నీ మందగమనంలో ఉన్నాయన్నారు. ధనిక దేశాలు ద్రవ్య విధానాల్ని కఠినతరం చేయడంతో తయారీ, వ్యాపార రంగాలు దెబ్బతిన్నాయన్నారు. అయితే జూలై నుంచి పరిస్థితి మెరుగుపడుతుందని అంచనా వేస్తున్నామన్నారు. రానున్న నెలల్లో డిమాండ్ పెరుగుతుందని ఎక్స్పోర్ట్ ప్రమోషన్ కౌన్సిల్స్ ఆశాభావంతో ఉన్నాయని వాణిజ్య కార్యదర్శి చెప్పారు.
Read Today's Latest Business News in Telugu and Telugu News
RELATED ARTICLES
తాజా వార్తలు
VishwakSen | సంస్కారం వయసుతో పాటు పెరగాలి.. సీనియర్ జర్నలిస్ట్ వ్యాఖ్యలపై విశ్వక్ సేన్ ఫైర్!
Liver Detox | లివర్ను క్లీన్ చేస్తాయని చెప్పే చిట్కాలు, ఉత్పత్తులను నమ్మవచ్చా.. కాఫీ ప్రభావం లివర్పై ఉంటుందా..?
TTD EO | శ్రీరంగం శ్రీ రంగనాథస్వామివారికి టీటీడీ ఈవో పట్టువస్త్రాల సమర్పణ
Shiva Kandukuri | వివాహబంధంలోకి అడుగుపెట్టనున్న టాలీవుడ్ నటుడు శివ కందుకూరి.!
BRS Dharna | కోయిల్ సాగర్ ప్రాజెక్టు వద్ద బీఆర్ఎస్ ధర్నా.. నీటి తరలింపు ప్రతిపాదన విరమించుకోవాలని డిమాండ్
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

