నష్టాల్లో స్టాక్‌ మార్కెట్లు

దేశీయ స్టాక్‌ మార్కెట్లు వరుసగా మూడోరోజు నష్టపోయాయి. దేశీయ ఎగుమతులపై అమెరికా అధిక సుంకాలను విధించడంతో మదుపరులు తీవ్ర ఒత్తిడికి గురయ్యారు. ఫలితంగా అమ్మకాలకు మొగ్గుచూపడంతో సెన్సెక్స్‌ కీలక మైలురాయి 80 వేల స్థాయిని కోల్పోయింది.

ముంబై, ఆగస్టు 29 : దేశీయ స్టాక్‌ మార్కెట్లు వరుసగా మూడోరోజు నష్టపోయాయి. దేశీయ ఎగుమతులపై అమెరికా అధిక సుంకాలను విధించడంతో మదుపరులు తీవ్ర ఒత్తిడికి గురయ్యారు. ఫలితంగా అమ్మకాలకు మొగ్గుచూపడంతో సెన్సెక్స్‌ కీలక మైలురాయి 80 వేల స్థాయిని కోల్పోయింది. వారంతపు ట్రేడింగ్‌ ముగిసే సరికి 30 షేర్ల ఇండెక్స్‌ సూచీ సెన్సెక్స్‌ 270.92 పాయింట్లు కోల్పోయి 79,809.65 వద్ద స్థిరపడింది. మరో సూచీ నిఫ్టీ 74.05 పాయింట్లు కోల్పోయి 24,426.85 వద్ద ముగిసింది.

• మహీంద్రా అండ్‌ మహీంద్రా షేరు 2.96 శాతం నష్టపోయి టాప్‌ లూజర్‌గా నిలిచింది. రిలయన్స్‌ ఇండస్ట్రీస్‌ షేరు 2.21 శాతం నష్టపోయింది.
• దీంతోపాటు ఇన్ఫోసిస్‌ 2 శాతం, ఎన్‌టీపీసీ, టాటా మోటర్స్‌, టెక్‌ మహీంద్రా, హెచ్‌డీఎఫ్‌సీ బ్యాంక్‌, యాక్సిస్‌ బ్యాంక్‌, టీసీఎస్‌, ఎటర్నల్‌, టైటాన్‌, అదానీ పోర్ట్స్‌, నష్టపోయాయి.
• కానీ, ఐటీసీ, భారత్‌ ఎలక్ట్రానిక్స్‌, ట్రెంట్‌, లార్సెన్‌ అండ్‌ టుబ్రో, కొటక్‌ బ్యాంక్‌, భారతీ ఎయిర్‌టెల్‌, హెచ్‌సీఎల్‌ టెక్నాలజీ షేర్లు లాభాల్లో ముగిశాయి.
• రంగాలవారీగా చూస్తే రియల్టీ 1.33 శాతం నష్టపోగా, ఎనర్జీ 1.01 శాతం, ఐటీ, వాహన, ఆయిల్‌ అండ్‌ గ్యాస్‌, సర్వీసెస్‌ రంగ షేర్లకు మదుపరుల నుంచి మద్దతు లభించలేదు. కానీ, ఎఫ్‌ఎంసీసీ, ఇండస్ట్రియల్స్‌, క్యాపిటల్‌ గూడ్స్‌ షేర్లు లాభాల్లో ముగిశాయి.

11 లక్షల కోట్లు ఆవిరి

దేశీయ స్టాక్‌ మార్కెట్లు వరుసగా నష్టపోవడంతో మదుపరులు లక్షల కోట్ల సంపద హారతి కర్పూరంలా కరిగిపోతున్నది. వరుసగా మూడు రోజుల్లో మదుపరులు రూ.11 లక్షల కోట్ల సంపదను కోల్పోయారు. బీఎస్‌ఈలో లిైస్టెన సంస్థల మార్కెట్‌ క్యాపిటలైజేషన్‌ విలువ రూ.11,21,459.36 కోట్లు కరిగిపోయి రూ.4,43,65, 504.08 కోట్లు(5.05 ట్రిలియన్‌ డాలర్లు)కు పడిపోయింది.