రూ.5.64 లక్షల కోట్లు ఆవిరి

దేశీయ స్టాక్‌ మార్కెట్లు వరుసగా మూడోరోజూ నష్టపోయాయి. బ్లూచిప్‌ సంస్థల షేర్లలో అమ్మకాలు పోటెత్తడంతో సూచీలు ఒక్క శాతానికి పైగా కోల్పోయాయి. లాభాల్లో ప్రారంభమైన సూచీలకు మధ్యాహ్నాం తర్వాత అంతర్జాతీయ మార్కెట్ల నుంచి వచ్చిన ప్రతికూల సంకేతాలు నష్టాలకు ఆజ్యంపోశాయి.

• సెన్సెక్స్‌ 873, నిఫ్టీ 261 పాయింట్ల నష్టం
• ఒక్క శాతానికిపైగా నష్టపోయిన సూచీలు

ముంబై, మే 20: దేశీయ స్టాక్‌ మార్కెట్లు వరుసగా మూడోరోజూ నష్టపోయాయి. బ్లూచిప్‌ సంస్థల షేర్లలో అమ్మకాలు పోటెత్తడంతో సూచీలు ఒక్క శాతానికి పైగా కోల్పోయాయి. లాభాల్లో ప్రారంభమైన సూచీలకు మధ్యాహ్నాం తర్వాత అంతర్జాతీయ మార్కెట్ల నుంచి వచ్చిన ప్రతికూల సంకేతాలు నష్టాలకు ఆజ్యంపోశాయి. ఫలితంగా వరుసగా మూడు రోజులుగా తగ్గుతూ వచ్చిన సూచీలు మంగళవారం 82 వేల పాయింట్ల దిగువకు పడిపోయింది. ఇంట్రాడేలో 900 పాయింట్లకు పైగా నష్టపోయిన 30 షేర్ల ఇండెక్స్‌ సూచీ సెన్సెక్స్‌ చివరకు మార్కెట్‌ ముగిసే సమయానికి 872.98 పాయింట్లు లేదా 1.06 శాతం నష్టపోయి 81,186.44 వద్ద ముగిసింది. 27 సూచీలు నష్టపోగా, కేవలం మూడు సూచీలు లాభాల్లో ముగిశాయి. వీటిలో వాహన, ఆర్థిక, రక్షణ రంగ సూచీలు కూడా నిరాశాజనక పనితీరు కనబర్చడం భారీ నష్టాలను అడ్డుకోలేకపోయాయి. మరో సూచీ నిఫ్టీ సైతం 261.55 పాయింట్లు లేదా 1.05 శాతం పతనం చెంది 24,683.90 వద్ద స్థిరపడింది.

రూ.438 లక్షల కోట్లకు..

• స్టాక్‌ మార్కెట్లు భారీగా నష్టపోవడంతో మదుపరులు లక్షల కోట్ల సంపదను కోల్పోయారు. మంగళవారం రూ.5 లక్షల కోట్లకు పైగా సంపద హరించుకుపోయింది. దీంతో బీఎస్‌ఈలో లిైస్టెన కంపెనీల మార్కెట్‌ విలువ రూ.5,64,594.68 కోట్లు కరిగిపోయి రూ.4,38,03,259.51 కోట్లు(5.13 ట్రిలియన్‌ డాలర్లకు) పరిమితమైంది. ప్రతీకార సుంకాల విధింపుపై భారత్‌-అమెరికా మధ్య జరుగుతున్న చర్చలు కొలిక్కిరాకపోవడంతో మదుపరులు అమ్మకాలకు మొగ్గుచూపారు. ఫలితంగా బ్లూచిప్‌ సంస్థల షేర్లు నష్టపోయాయని దలాల్‌స్ట్రీట్‌ వర్గాలు వెల్లడించాయి.
• మారుతి, మహీంద్రా అండ్‌ మహీంద్రా, అల్ట్రాటెక్‌ సిమెంట్‌, పవర్‌గ్రిడ్‌, నెస్లె, బజాజ్‌ ఫైనాన్స్‌, హెచ్‌యూఎల్‌, ఏషియన్‌ పెయింట్స్‌, రిలయన్స్‌ ఇండస్ట్రీస్‌ షేర్లు నష్టపోయాయి.
• వీటితోపాటు ఫెడరల్‌ బ్యాంక్‌, యెస్‌ బ్యాంక్‌, బ్యాంక్‌ ఆఫ్‌ బరోడా, హెచ్‌డీఎఫ్‌సీ బ్యాంక్‌, ఎస్బీఐ, కొటక్‌ బ్యాంక్‌, కెనరా బ్యాంక్‌, ఐసీఐసీఐ బ్యాంక్‌, యాక్సిస్‌ బ్యాంక్‌, ఇండస్‌ఇండ్‌ బ్యాంక్‌ షేర్లు పతనం చెందాయి.
• కానీ, టాటా స్టీల్‌, ఇన్ఫోసిస్‌, ఐటీసీ షేర్లు లాభాల్లో ముగిశాయి.
• రంగాలవారీగా చూస్తే వాహన రంగ సూచీ అత్యధికంగా 2.13 శాతం, కన్జ్యూమర్‌ 1.81 శాతం, యుటిలిటీ 1.64 శాతం, సర్వీసెస్‌ 1.53 శాతం, ఇండస్ట్రీయల్స్‌ 1.36 శాతం, టెలికం 1.35 శాతం చొప్పున తగ్గాయి.