మారుతికి అమ్మకాల దన్ను

దేశీయ ఆటోమొబైల్‌ దిగ్గజం మారుతి సుజుకీ లాభాలకు అమ్మకాలు దన్నుగా నిలిచాయి. గడిచిన ఆర్థిక సంవత్సరం చివరి త్రైమాసికానికిగాను సంస్థ రూ.2,671 కోట్ల కన్సాలిడేటెడ్‌ నికర లాభాన్ని గడించింది. అంతక్రితం ఏడాది ఇదే త్రైమాసికంలో నమోదైన రూ.1,876 కోట్ల లాభంతో పోలిస్తే 42 శాతం అధికమని పేర్కొంది.

• క్యూ4లో 42 శాతం పెరిగిన లాభం
• రూ.90 డివిడెండ్‌ ప్రకటించిన సంస్థ

న్యూఢిల్లీ, ఏప్రిల్‌ 26: దేశీయ ఆటోమొబైల్‌ దిగ్గజం మారుతి సుజుకీ లాభాలకు అమ్మకాలు దన్నుగా నిలిచాయి. గడిచిన ఆర్థిక సంవత్సరం చివరి త్రైమాసికానికిగాను సంస్థ రూ.2,671 కోట్ల కన్సాలిడేటెడ్‌ నికర లాభాన్ని గడించింది. అంతక్రితం ఏడాది ఇదే త్రైమాసికంలో నమోదైన రూ.1,876 కోట్ల లాభంతో పోలిస్తే 42 శాతం అధికమని పేర్కొంది. సమీక్ష సమావేశంలో కంపెనీ ఆదాయం రూ.26,749 కోట్ల నుంచి రూ.32,060 కోట్లకు చేరుకున్నట్టు బీఎస్‌ఈకి సమాచారం అందించింది.

• క్యూ4లో సంస్థ 5,14,927 యూనిట్ల వాహనాలు విక్రయించింది.
• 2022-23 ఆర్థిక సంవత్సరానికిగాను రూ.8,211 కోట్ల కన్సాలిడేటెడ్‌ నికర లాభాన్ని గడించింది.
• గతేడాది రూ.1,17,571 కోట్ల విక్రయాలు జరిపింది. అంతక్రితం ఏడాది రూ.88,330 కోట్లుగా ఉన్నది.
• 2022-23లో సంస్థ 19,66,164 యూనిట్ల వాహనాలను విక్రయించింది.
• వాహన ఉత్పత్తి సామర్థ్యాన్ని మరో 10 లక్షల యూనిట్ల పెంపు ప్రతిపాదనకు బోర్డు ఆమోదం తెలిపింది.
• గడిచిన ఆర్థిక సంవత్సరానికిగాను రూ.90 డివిడెండ్‌ను సంస్థ ప్రకటించింది.