కెనరా బ్యాంక్‌ లాభం 3,656 కోట్లు

ప్రభుత్వరంగ సంస్థ కెనరా బ్యాంక్‌ ఆశాజనక ఆర్థిక ఫలితాలు ప్రకటించింది. డిసెంబర్‌తో ముగిసిన మూడు నెలల కాలానికిగాను బ్యాంక్‌ రూ.3,656 కోట్ల నికర లాభాన్ని గడించింది.

• క్యూ3లో 29 శాతం వృద్ధి

న్యూఢిల్లీ, జనవరి 24: ప్రభుత్వరంగ సంస్థ కెనరా బ్యాంక్‌ ఆశాజనక ఆర్థిక ఫలితాలు ప్రకటించింది. డిసెంబర్‌తో ముగిసిన మూడు నెలల కాలానికిగాను బ్యాంక్‌ రూ.3,656 కోట్ల నికర లాభాన్ని గడించింది. 2022-23 ఏడాది ఇదే త్రైమాసికంలో నమోదైన రూ.2,832 కోట్లతో పోలిస్తే 29 శాతం అధికమైంది. ఏడాది క్రితం రూ.26,218 కోట్లుగా ఉన్న బ్యాంక్‌ ఆదాయం గత త్రైమాసికానికిగాను రూ.32,334 కోట్లకు చేరుకున్నట్లు బీఎస్‌ఈకి సమాచారం అందించింది.

• నికర వడ్డీ ఆదాయం ఏడాది ప్రాతిపదికన 9.5 శాతం ఎగబాకి రూ.9,417 కోట్లకు చేరుకున్నది.
• బ్యాంక్‌ స్థూల నిరర్థక ఆస్తుల విలువ 5.89 శాతం నుంచి 4.39 శాతానికి తగ్గాయి. నికర ఎన్‌పీఏ కూడా 1.96 శాతం నుంచి 1.32 శాతానికి దిగొచ్చాయి.
• దేశీయంగా బ్యాంక్‌ డిపాజిట్లు రూ.11,66,488 కోట్లు కాగా, అడ్వాన్స్‌లు రూ.9,01,465 కోట్లుగా నమోదయ్యాయి.