బీవోఎం లాభం 1,036 కోట్లు

బ్యాంక్‌ ఆఫ్‌ మహారాష్ట్ర(బీవోఎం) ఆకర్షణీయమైన ఆర్థిక ఫలితాలు ప్రకటించింది. ప్రస్తుత ఆర్థిక సంవత్సరం మూడో త్రైమాసికానికిగాను బ్యాంక్‌ రూ.1,036 కోట్ల నికర లాభాన్ని గడించింది. వడ్డీల మీద వచ్చే ఆదాయం పెరగడం, మొండి బకాయిలు తగ్గుముఖం పట్టడంతో లాభాల్లో 34 శాతం వృద్ధి నమోదైందని పేర్కొంది.

న్యూఢిల్లీ, జనవరి 16: బ్యాంక్‌ ఆఫ్‌ మహారాష్ట్ర(బీవోఎం) ఆకర్షణీయమైన ఆర్థిక ఫలితాలు ప్రకటించింది. ప్రస్తుత ఆర్థిక సంవత్సరం మూడో త్రైమాసికానికిగాను బ్యాంక్‌ రూ.1,036 కోట్ల నికర లాభాన్ని గడించింది. వడ్డీల మీద వచ్చే ఆదాయం పెరగడం, మొండి బకాయిలు తగ్గుముఖం పట్టడంతో లాభాల్లో 34 శాతం వృద్ధి నమోదైందని పేర్కొంది. ఏడాది క్రితం ఇదే త్రైమాసికంలో బ్యాంక్‌ రూ.775 కోట్ల లాభాన్ని ఆర్జించింది. బ్యాంక్‌ మొత్తం ఆదాయం రూ.4,770 కోట్ల నుంచి రూ.5,851 కోట్లకు చేరుకున్నట్టు బీవోఎం ఎండీ ఏఎస్‌ రాజీవ్‌ తెలిపారు.

• నికర వడ్డీ ఆదాయం ఏడాది ప్రాతిపదికన 24.56 శాతం పెరిగి రూ.1,980 కోట్ల నుంచి రూ.2,466 కోట్లకు చేరుకున్నది.
• ఆపరేటింగ్‌ ప్రాఫిట్‌ 27.32 శాతం పెరిగి రూ.2,012 కోట్లకు చేరింది.
• బ్యాంక్‌ స్థూల నిరర్థక ఆస్తుల విలువ 2.94 శాతం నుంచి 2.04 శాతానికి తగ్గాయి. నికర ఎన్‌పీఏ కూడా 0.47 శాతం నుంచి 0.22 శాతానికి దిగొచ్చాయి.
• నికర వడ్డీ మార్జిన్‌ 3.60 శాతం నుంచి 3.95 శాతానికి చేరింది. నాలుగో త్రైమాసికంలో 3.75-4 శాతం మధ్యలో ఉంటుందని అంచనావేస్తున్నది.
• ఇప్పటి వరకు బ్యాంక్‌ రూ.1,774 కోట్ల నిధులను సమీకరించింది.
• ప్రస్తుత త్రైమాసికంలో కొత్తగా 100 శాఖలను తెరువాలనుకుంటున్నది. ప్రస్తుతం బ్యాంక్‌కు 2,401 శాఖలు ఉన్నాయి.