సింగిల్‌ చార్జింగ్‌తో 600 కిలో మీటర్లు

జర్మనీకి చెందిన విలాసవంతమైన కార్ల తయారీ సంస్థ ఆడీ..దేశీయ మార్కెట్లోకి సరికొత్త ఈవీ మాడళ్లను పరిచయం చేసింది. అంతర్జాతీయ మార్కెట్లోకి విడుదల చేసిన కొన్ని నెలల్లోనే భారత్‌లో విడుదల చేయడం విశేషం.

• మార్కెట్‌లోకి సరికొత్త ఆడీ క్యూ8 ఈట్రాన్‌

ముంబై, ఆగస్టు 18: జర్మనీకి చెందిన విలాసవంతమైన కార్ల తయారీ సంస్థ ఆడీ..దేశీయ మార్కెట్లోకి సరికొత్త ఈవీ మాడళ్లను పరిచయం చేసింది. అంతర్జాతీయ మార్కెట్లోకి విడుదల చేసిన కొన్ని నెలల్లోనే భారత్‌లో విడుదల చేయడం విశేషం. నాలుగు రకాల్లో లభించనున్న ఈ మాడళ్లలో 50 ఈ-ట్రాన్‌ ధరను రూ.1.13 కోట్లు, స్పోర్ట్‌బ్యాక్‌ 55 ఈ-ట్రాన్‌ రూ.1.18 కోట్లు, 55 ఈ-ట్రాన్‌ ధర రూ.1.26 కోట్లు, స్పోర్ట్‌బ్యాక్‌ 55 ఈ-ట్రాన్‌ ధరను రూ.1.30 కోట్లుగా నిర్ణయించింది.

ఈ ధరలు ముంబై షోరూంనకు సంబంధించినవి. వీటిలో స్పోర్ట్‌బ్యాక్‌ 55 ఈ-ట్రాన్‌ మాడల్‌ సింగిల్‌ చార్జింగ్‌తో 600 కిలోమీటర్ల వరకు ప్రయాణించవచ్చునని కంపెనీ వర్గాలు వెల్లడించాయి. అలాగే 50 ఈ-ట్రాన్‌, స్పోర్ట్‌బ్యాక్‌ 50 ఈ-ట్రాన్‌ మాడళ్లు 505 కిలోమీటర్ల దూరం ప్రయాణించనున్నది.

ఈ కారు ప్రత్యేకతలు

• బ్యాటరీపై ఎనిమిదేండ్లు లేదా 1.60 లక్షల కిలోమీటర్ల వరకు వ్యారెంటీ
• కాంప్లిమెంటరీ కింద 10 ఏండ్ల రోడ్‌ సైడ్‌ అసిస్టెన్స్‌, ఐదేండ్ల వ్యారెంటీ
• మై ఆడీ కనెక్ట్‌ కింద వెయ్యికి పైగా చార్జింగ్‌ పాయింట్ల వద్ద ఉచితంగా చార్జింగ్‌
• ఆటోమొబైల్‌ రంగంతో తొలిసారిగా 2 చార్జర్లు
• వీటిలో రెండు మాడళ్లు కేవలం 5.6 సెకండ్లలో 100 కిలోమీటర్లు వేగాన్ని అందుకోనుండగా, మరో రెండు మాడళ్లు 6 సెకండ్లలో 100 కిలోమీటర్లు వేగాన్ని అందుకోనున్నది.