Supreme Court | ఏపీలో స్థానిక సంస్థల ఎన్నికలకు సుప్రీం కోర్టు గ్రీన్‌ సిగ్నల్‌

Supreme Court | ఆంధ్రప్రదేశ్‌లో స్థానిక సంస్థల ఎన్నికలకు సుప్రీంకోర్టు గ్రీన్‌ సిగ్నల్‌ ఇచ్చింది.

అమరావతి : ఆంధ్రప్రదేశ్‌లో స్థానిక సంస్థల ఎన్నికలకు ( Local Body Elections ) సుప్రీంకోర్టు( Supreme Court ) గ్రీన్‌ సిగ్నల్‌ ఇచ్చింది. సర్‌ ప్రక్రియ పూర్తయిన తరువాతే ఎన్నికలు జరపాలంటూ వైసీపీ దాఖలు చేసిన పిటిషన్‌పై కోర్టు శుక్రవారం విచారణ చేపట్టింది. ఈ సందర్భంగా వైసీపీ లేవనెత్తిన విషయాలను కోర్టు తిరస్కరించింది. ఎన్నికలకు ఆటంకం కలిగించడమంటే ప్రజా ప్రయోజనాలను అడ్డుకోవడమేనని తెలియజేసింది.

హైకోర్టు ఇచ్చిన సమయం ప్రకారం ఆరు వారాల్లోపు నోటిఫికేషన్‌కు సిద్ధమని రాష్ట్ర ఎన్నికల సంఘం సుప్రీం కోర్టుకు వివరించింది. నోటిఫికేషన్‌ విడుదలయ్యేలోపు సర్‌ పూర్తయితే ఆ జాబితా తీసుకోవాలని లేని పక్షంలో పాత జాబితా ప్రకారమే ఎన్నికలు నిర్వహించుకోవచ్చని సూచించింది. ఎన్నికల విషయంలో ఏపీ హైకోర్టు ఇచ్చిన తీర్పును సీజేఐ సూర్యకాంత్‌ నేతృత్వంలోని ధర్మాసనం సమర్థించింది.