Tirumala | డిసెంబర్ 4న తిరుమలలో సహస్ర దీపాలంకరణ సేవ, పౌర్ణమి గరుడసేవ రద్దు

Tirumala | తిరుమల శ్రీవారి ఆలయంలో డిసెంబర్ 4న సాలకట్ల కార్తిక పర్వదీపోత్సవం సందర్భంగా సహస్ర దీపాలంకరణ సేవ , పౌర్ణమి గరుడసేవ రద్దు చేసినట్లు టీటీడీ అధికారులు వెల్లడించారు.

తిరుమల : తిరుమల ( Tirumala ) శ్రీవారి ఆలయంలో డిసెంబర్ 4న సాలకట్ల కార్తిక పర్వదీపోత్సవం సందర్భంగా సహస్ర దీపాలంకరణ సేవ (Sahasra Deepalankaran Seva) , పౌర్ణమి గరుడసేవ రద్దు (Pournami Garuda Seva) చేసినట్లు టీటీడీ అధికారులు ( TTD Officials ) వెల్లడించారు.

4న కార్తిక పౌర్ణమి నాడు శ్రీవారికి సాయంకాల కైంకర్యాలు, నివేదనలు పూర్తయిన తరువాత దీపోత్సవం నిర్వహించడం ఆనవాయితీగా వస్తుందన్నారు . సాయంత్రం దీపాలను నేతి వత్తులతో వెలిగించి ఛత్రచామర, మంగళవాయిద్యాలతో ఊరేగింపుగా విమాన ప్రదక్షిణం చేస్తూ ఆనంద నిలయంలో శ్రీవారికి హారతి ఇస్తామన్నారు.

అనంతరం గర్భాలయంలో అఖండం, కులశేఖర పడి, రాములవారి మేడ, ద్వార పాలకులు, గరుడాళ్వారు, వరదరాజస్వామి సన్నిధి, వకుళమాత, బంగారుబావి, కల్యాణ మండపం వద్ద దీపాల ఏర్పాటు ఉంటుందన్నారు. అదేవిధంగా సభ అర, తాళ్లపాక అర, భాష్యకారుల సన్నిధి, యోగ నరసింహస్వామి, విష్వక్సేనులు, చందనం అర, పరిమళం అర, వెండి వాకిలి, ధ్వజస్తంభం, బలి పీఠం వద్ద దీపాలను అర్చకులు వెలిగిస్తారన్నారు.

క్షేత్ర పాలకుల సన్నిధి, తిరుమలరాయ మండపం, పూలబావి, రంగనాయక మండపం, మహాద్వారం, బేడి ఆంజనేయస్వామి, శ్రీవరాహస్వామి ఆలయం, స్వామి పుష్కరిణి వద్ద కూడా దీపాల ఏర్పాటు ఉంటుందన్నారు.