Pattabhi : పట్టాభికి 14 రోజుల రిమాండ్‌, మచిలీపట్నం జైలుకు తరలింపు

Pattabhi : టీడీపీ నాయకుడు పట్టాభికి విజయవాడ కోర్టు 14 రోజుల రిమాండ్‌ విధించింది. బుధవారం పట్టాభిని అరెస్ట్‌ చేసిన పోలీసులు ఇవాళ ....

October 21, 2021 / 05:53 PM IST

Pattabhi : పట్టాభికి 14 రోజుల రిమాండ్‌, మచిలీపట్నం జైలుకు తరలింపు

(Pattabhi) అమరావతి : టీడీపీ నాయకుడు పట్టాభికి విజయవాడ కోర్టు 14 రోజుల రిమాండ్‌ విధించింది. బుధవారం పట్టాభిని అరెస్ట్‌ చేసిన పోలీసులు ఇవాళ ఉదయం విజయవాడ మూడవ అదనపు చీఫ్‌ మెట్రోపాలిటన్‌ మెజిస్ట్రేట్‌ ఎదుట హాజరుపరిచారు. దాంతో ఆయనకు వచ్చే నెల 2 వరకు రిమాండ్ విధించారు. దాంతో పట్టాభిని పోలీసులు మచిలీపట్నం జైలుకు తరలించారు. ముఖ్యమంత్రి జగన్‌పై అనుచిత వ్యాఖ్యలు చేశారన్న ఆరోపణలపై పోలీసులు ఆయనను అదుపులోకి తీసుకున్నారు.

జగన్‌ను దూషించాన్న ఆరోపణలపై అరెస్ట్‌ చేసిన టీడీపీ అధికార ప్రతినిధి పట్టాభిని పోలీసులు మూడవ అదనపు చీఫ్ మెట్రోపాలిటన్ మెజిస్ట్రేట్ కోర్టులో హాజరు పర్చారు. ఆయన తరపు న్యాయవాదులు బెయిల్ పిటిషన్ దాఖలు చేశారు. ఇప్పటికే ఆయన ఇంటిపై పలుమార్లు దాడి పాల్పడ్డారని పట్టాభి తరపు న్యాయవాదులు కోర్టు దృష్టికి తీసుకొచ్చారు. సీఎంని గానీ, ప్రభుత్వంలో ఉన్న వారిని గానీ వ్యక్తిగతంగా విమర్శించ లేదని పేర్కొన్నారు. కేవలం ప్రభుత్వంలో ఉన్న లోపాలను మాత్రమే మీడియాలో ప్రస్తావించారంటూ న్యాయమూర్తికి పట్టాభి తరఫు న్యాయవాదులు వివరించారు. తనకు, తన కుటుంబానికి ప్రాణ హాని ఉందని న్యాయమూర్తికి తెలిపారు. కేసును విచారించిన న్యాయమూర్తి, పట్టాభికి 14 రోజుల రిమాండ్‌ విధించారు. దాంతో పోలీసులు ఆయనను మచిలీపట్నం జైలుకు తరలించారు.