ఈ నెల 21 న నౌకాదళం సమీక్ష.. విశాఖ రానున్న కోవింద్‌

ఈ నెల 21 న విశాఖపట్నం వద్ద సముద్రంలో భారత నౌకాదళం సమీక్ష జరుగనున్నది. ఈ సమీక్షకు రాష్ట్రపతి రామ్‌నాథ్‌ కోవిండ్‌ రానున్నారు. ఫ్లీట్ రివ్యూలో పాల్గొనేందుకు...

విశాఖపట్నం: ఈ నెల 21 న విశాఖపట్నం వద్ద సముద్రంలో భారత నౌకాదళం సమీక్ష జరుగనున్నది. ఈ సమీక్షకు రాష్ట్రపతి రామ్‌నాథ్‌ కోవిండ్‌ రానున్నారు. ఫ్లీట్ రివ్యూలో పాల్గొనేందుకు రాష్ట్రపతి 20 న విశాఖకు వస్తున్నారు. ఆయన ఇక్కడ రెండు రోజుల పాటు ఉంటారు. సాయుధ దళాల సుప్రీం కమాండర్‌గా వ్యవహరించే రాష్ట్రపతి.. తన పదవీకాంలో ఒకసారి నౌకాదళం సమీక్ష నిర్వహిస్తారు. ఈ సందర్భంగా విశాఖపట్నంలో పెద్ద ఎత్తున ఏర్పాట్లు చేస్తున్నారు.

నౌకాదళం రివ్యూలో పాల్గొనేందుకు రాష్ట్రపతి కోవింద్‌.. భువనేశ్వర్‌ నుంచి ఈ నెల 20న మధ్యాహ్నం 1.35 గంటలకు విశాఖ చేరుకుంటారు. ఆ రోజు రాత్రి ప్రెసిడెన్షియల్‌ సూట్‌లో బస చేస్తారు. దేశానికి స్వాతంత్ర్యం పొందిన 75 సంవత్సరాలకు గుర్తుగా ఈ ఏడాది భారత నావికాదళం అనే థీమ్‌తో ఫ్లీట్‌ రివ్యూ ఉంటుంది. స్వాతంత్ర్యం వచ్చిన నాటి నుంచి ఇవ్వాల్టి వరకు 11 నౌకదళం సమీక్షలు జరిగాయి. ఇందులో ర2001, 2016 లో రెండు అంతర్జాతీయ ఫ్లీట్‌ రివ్యూస్‌ కూడా ఉన్నాయి. ఇండియన్ కోస్ట్ గార్డ్, షిప్పింగ్ కార్పొరేషన్ ఆఫ్ ఇండియా, చెన్నైలోని నేషనల్ ఇన్‌స్టిట్యూట్ ఆఫ్ ఓషన్ టెక్నాలజీ ప్లాట్‌ఫాంలతో పాటు 60కి పైగా నౌకలు, జలాంతర్గాములు ఫ్లీట్ రివ్యూలో పాల్గొంటాయి.

‘ప్రెసిడెన్షియల్ యాచ్’లో ‘స్టీమింగ్ పాస్ట్’ ద్వారా రాష్ట్రపతి కోవింద్‌ సమీక్షిస్తారు. యాచ్ ప్రయాణిస్తున్నప్పుడు ప్రతి ఓడ సుప్రీం కమాండర్‌కు సెల్యూట్ చేస్తుంది. నావికాదళ విమానాలు ఏకకాలంలో అభివాదం చేస్తూ పైకి ఎగురుతాయి. ఇలాంటి ఫ్లీ రివ్యూ చివరిసారిగా 2016లో జరిగింది. ఇది భారత నావికాదళం నిర్వహించిన రెండో అంతర్జాతీయ విమానాల సమీక్ష కూడా కావడం విశేషం. హై-ప్రొఫైల్ ప్రెసిడెన్షియల్ ఫ్లీట్ సమీక్ష అనంతరం ఫిబ్రవరి 25 నుంచి మార్చి 4 వరకు బహుళ-జాతి నౌకాదళ వ్యాయామం జరుగుతుందని, దీని కోసం భారతదేశం 45 దేశాలను ఆహ్వానించినట్లు ఇండియన్‌ నేవీ అధికారులు తెలిపారు.