ఘనంగా గణాంక దినోత్సవం

గణాంకాలు, ఆర్థిక ప్రణాళిక రంగంలో మహాలనోబిస్‌ చేసిన సేవలు ఎనలేనివని కలెక్టర్‌ రాజర్షి షా అన్నారు. ఆదివారం కలెక్టర్‌ క్యాంపు కార్యాలయంలో ప్రశాంత చంద్ర మహాలనోబిస్‌ జయంతిని పురసరించుకుని 19వ గణాంక దినోత్సవాన్ని నిర్వహించారు.

ఎదులాపురం, జూన్‌ 29 : గణాంకాలు, ఆర్థిక ప్రణాళిక రంగంలో మహాలనోబిస్‌ చేసిన సేవలు ఎనలేనివని కలెక్టర్‌ రాజర్షి షా అన్నారు. ఆదివారం కలెక్టర్‌ క్యాంపు కార్యాలయంలో ప్రశాంత చంద్ర మహాలనోబిస్‌ జయంతిని పురసరించుకుని 19వ గణాంక దినోత్సవాన్ని నిర్వహించారు. ఈ సందర్భంగా ఆయన చిత్రపటానికి పూలమాల వేసి నివాళులర్పించి సేవలను స్మరించుకున్నారు. ఈ కార్యక్రమంలో అధికారులు,సిబ్బంది పాల్గొన్నారు.

నిర్మల్‌ జిల్లాలో..
నిర్మల్‌ చైన్‌గేట్‌, జూన్‌ 29 : గణాంక శాస్త్రవేత్త, ప్రొఫెసర్‌ మహలనోబిస్‌ సేవలు చిరస్మరణీయమని జిల్లా ముఖ్య ప్రణాళిక అధికారి జీవరత్నం అన్నారు. కలెక్టర్‌ కార్యాలయంలో ఆదివారం జాతీయ గణాంక దినోత్సవ వేడుకలు నిర్వహించారు. ఈ సందర్భంగా మహలనోబిస్‌ చిత్రపటానికి పూలమాల వేసి నివాళులర్పించారు. ఈ సందర్భంగా ఆయన సేవలను గుర్తు చేసుకుంటూ 2023-24 సంవత్సరానికి గాను జిల్లా గణాంక హ్యాండ్‌బుక్‌ను విడుదల చేశారు.