ఫెంజల్ భయం
ఫెంజల్ తుఫాన్ పంటలపై తీవ్రమైన ప్రభావాన్ని చూపుతున్నది. పులి భయంతో కూలీలు చేలకు వెళ్లకపోవడంతో ఎక్కడి పత్తి అక్కడే ఉంటుండగా, అకాల వర్షానికి తడిసి ముద్దువుతున్నది.
- పంటలపై ప్రభావం చూపుతున్న తుఫాన్
- పులి సంచారంతో దొరకని కూలీలు
- చేలల్లోనే తడిసిపోతున్న పత్తి
- కల్లాల్లోనే ధాన్యం కుప్పలు
- అన్నదాతల్లో ఆందోళన
కుమ్రం భీం ఆసిఫాబాద్, డిసెంబర్ 6 (నమస్తే తెలంగాణ) : ఫెంజల్ తుఫాన్ పంటలపై తీవ్రమైన ప్రభావాన్ని చూపుతున్నది. పులి భయంతో కూలీలు చేలకు వెళ్లకపోవడంతో ఎక్కడి పత్తి అక్కడే ఉంటుండగా, అకాల వర్షానికి తడిసి ముద్దువుతున్నది. ఇక కల్లాల్లో పోసిన ధాన్యం కుప్పలు సైతం నాని నష్టపోయే ప్రమాదముండగా, అన్నదాతలను ఆందోళనకు గురిచేస్తున్నది.

పత్తి రైతులకు తీరని నష్టం..
జిల్లాలో అకాల వర్షాలు పత్తి రైతులకు తీరని నష్టాన్ని కలిగిస్తున్నాయి. రెండు మూడు రోజులుగా జల్లులు పడుతుండగా, శుక్రవారం ఆసిఫాబాద్ డివిజన్లోని రెబ్బెన, ఆసిఫాబాద్, వాంకిడి మండలాల్లో సుమారు గంట పాటు వర్షం దంచికొట్టింది. దీంతో చేలల్లో ఏరకుండా ఉన్న పత్తి తడిసిపోయింది. తేమ శాతం పెరగడంతో పాటు రంగుమారుతోంది. ఇలా అయితే పత్తికి మద్దతు ధర లభించే అవకాశం లేదని రైతులు ఆందోళన చెందుతున్నారు. ఇప్పటికే చేల నుంచి ఇంటికి తరలించిన పత్తిలో సైతం తేమ శాతం పెరిగే అవకాశాలున్నాయి.
జైనూర్, వాంకిడి, ఆసిఫాబాద్, తిర్యాణి మండలాల్లోని అటవీ ప్రాంతాల్లో కొద్ది రోజులుగా పులి సంచరిస్తుండగా, రైతులు, రైతు కూలీలు పత్తి ఏరేందుకు వెళ్లాలంటేనే భయపడుతున్నారు. నిత్యం ఎక్కడోచోట పశువులపై దాడుల చేస్తున్న నేపథ్యంలో చేలకు వెళ్లేందుకు వణికి పోతున్నారు. కిలో పత్తికి రూ. 12 ఇచ్చేందుకు రైతులు ముందుకు వస్తున్నా కూలీలు ఆసక్తి చూపడం లేదు. ఇప్పటికే సరైన మద్దతు ధర లేక ఇబ్బందులు పడుతున్న రైతులకు అకాల వర్షాలు మరింత నష్టాన్ని కలిగిస్తున్నాయి.
కల్లాల్లోనే ధాన్యం..
జిల్లాలో పక్షం రోజుల క్రితం వరి కోతలు ప్రారంభించారు. వరి కొనుగోలు కేంద్రాలు ఇంకా పూర్తిస్థాయిలో ప్రారంభించకపోవడంతో వడ్లను అమ్మేందుకు రైతులు కల్లాల్లో కుప్పలు పోసుకొని ఎదురుచూస్తున్నారు. ఇలాంటి సమయంలో ఆకాశం మబ్బులు పట్టి జల్లులు పడుతుండడంతో రైతులు ఆందోళన చెందుతున్నారు. ఈ ఏడాది జిల్లాలో 59 వేల ఎకరాల్లో వరి సాగు కాగా, ఇంకా అమ్మకాలను పూర్తిగా ప్రారంభించలేదు. ప్రభుత్వం 36 కొనుగోలు కేంద్రాలను అందుబాటులోని తేవాలని భావించినప్పటికీ ఇంకా పూర్తిస్థాయిలో ప్రారంభించలేదు. దీంతో రైతులు ధాన్యం అమ్మేందుకు ఎదురుచూస్తున్నారు.
Read Today's Latest Adilabad News in Telugu and Telugu News
RELATED ARTICLES
తాజా వార్తలు
‘ఇబ్బందులు ఎదురైతే భయపడకుండా తెలుపాలి’
Samantha Ruth Prabhu | తల్లిదండ్రులైన సమంత – రాజ్ నిడిమోరు.. కొడుకుకు ‘దేవ్ నిడిమోరు’ అని నామకరణం!
Harish Rao | రేవంత్ రెడ్డికి కేసీఆర్ అంటే భయం పట్టుకుంది : హరీశ్ రావు
Delhi Capitals | దిల్లీ క్యాపిటల్స్కు మహేల జయవర్దనే.. తొలి టైటిల్ సాధించేనా..!
ఉర్సు వేడుకలను విజయవంతం చేయాలి : ఎమ్మెల్యే కోరం కనకయ్య
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

