పనిచేసే చోట వేధింపులు!

సమాజంలో పాతుకుపోయిన తీవ్ర లింగ వివక్షను దాటుకుని ఇప్పుడిప్పుడే చదువులు, ఉద్యోగాల బాట పడుతున్నారు మహిళలు. తమకంటూ ఒక గుర్తింపునూ తెచ్చుకుంటున్నారు. అయితే కార్యాలయాల్లో, కార్ఖానాల్లో ఆమెకు ఇక్కట్లు తప్పడం లేదు. పై అధికారులో, పక్కన కూర్చుని పని చేసేవారో... ఎవరో ఒకరు లైంగిక, మానసిక వేధింపులకు గురిచేస్తూనే ఉన్నారు

• నేడు మహిళలపై హింస నివారణ దినం

సమాజంలో పాతుకుపోయిన తీవ్ర లింగ వివక్షను దాటుకుని ఇప్పుడిప్పుడే చదువులు, ఉద్యోగాల బాట పడుతున్నారు మహిళలు. తమకంటూ ఒక గుర్తింపునూ తెచ్చుకుంటున్నారు. అయితే కార్యాలయాల్లో, కార్ఖానాల్లో ఆమెకు ఇక్కట్లు తప్పడం లేదు. పై అధికారులో, పక్కన కూర్చుని పని చేసేవారో… ఎవరో ఒకరు లైంగిక, మానసిక వేధింపులకు గురిచేస్తూనే ఉన్నారు. ఈ అంశానికి సంబంధించి కంప్లయ్‌కరో.కామ్‌ అనే సంస్థ ఓ సమగ్ర విశ్లేషణను ప్రచురించింది.

భారత ప్రభుత్వ గుర్తింపు పొందిన ఈ వెబ్‌సైట్‌లో.. ఏ మహిళ అయినా కార్యాలయ వేధింపుల గురించి ఫిర్యాదు చేయవచ్చు. గత మూడు సంవత్సరాల్లో అందిన ఫిర్యాదుల ఆధారంగా.. ఏటికేడూ లైంగిక వేధింపులు ఎక్కువ అవుతున్నట్లు ఈ సంస్థ విశ్లేషించింది.

• వర్క్‌ఫ్రమ్‌ హోమ్‌ ముగిసిపోయి, ఆఫీసులు మొదలయ్యాక నమోదైన ఫిర్యాదులు గత ఏడాది కంటే 27 శాతం ఎక్కువని ఈ నివేదిక వెల్లడించింది.
• పని ప్రదేశాల్లో జరుగుతున్న లైంగిక హింసకు సంబంధించి టాప్‌-100 కంపెనీల్లో గత సంవత్సర కాలంలో నమోదైన కేసుల సంఖ్య 759. గత ఏడాది ఇది 595.
• ప్రభుత్వ రంగ సంస్థల్లోని ఉద్యోగుల నుంచి అందిన ఫిర్యాదుల శాతం, ప్రైవేటు రంగంలో పనిచేస్తున్న వారి నుంచి వచ్చిన ఫిర్యాదుల కంటే చాలా తక్కువ.
• ఈ ఏడాది అందిన ఫిర్యాదుల్లో బ్యాంకులు, ఆర్థిక సేవలు, ఇన్ఫర్మేషన్‌ టెక్నాలజీ, ఐటీ సంబంధిత రంగాలదే 69.5 శాతం వాటా.
• మీటూ ఉద్యమ సమయంలో 999 కేసులు నమోదు అయ్యాయనీ, ఇలాంటి ఉద్యమాల వల్ల మహిళల్లో
  ఆత్మైస్థెర్యం పెరుగుతుందనీ, తద్వారా తమ సమస్యల్ని బయటికి చెప్పుకోగలిగే అవకాశమూ లభిస్తుందని ఈ సంస్థ పేర్కొంది.
• పనిచేసే చోట మహిళలపై లైంగిక వేధింపుల నిరోధానికి సంబంధించి భారత ప్రభుత్వం 2013లో
  రూపొందించిన పోష్‌ (ప్రివెన్షన్‌, ప్రొహిబిషన్‌, రిడ్రెసల్‌) చట్టం గురించి అవగాహన కల్పించాల్సిన అవసరమూ ఉందని ఈ నివేదిక అభిప్రాయపడింది.