Yoga | త్రి అంగ ముఖైకపాద.. పశ్చిమోత్తానాసనం

త్రి అంగ అంటే.. మూడు అంగాలు. పాదం, మోకాలు, పిరుదులు.. ఈ ఆసనంలో భాగం అవుతాయి. పశ్చిమోత్తానాసనం సాధన చేయడం ద్వారా కాబోయే తల్లికి, పుట్టబోయే బిడ్డకు ఎన్నో ప్రయోజనాలు. కాకపోతే, నిపుణుల పర్యవేక్షణలో ప్రయత్నించాలి.

• ముందుగా కాళ్లు ముందుకు చాపి దండాసన స్థితిలో కూర్చోవాలి.
• ఇప్పుడు కుడికాలును మోకాలు దగ్గర వంచాలి. కుడి చేతితో చీలమండను పట్టుకొని.. కాలిని నిదానంగా వెనక్కి తీసుకోవాలి.
• కుడిపాదాన్ని చిత్రంలో చూపిన విధంగా, పూర్తిగా వెనక్కి ఉండేలా జాగ్రత్త
• పడాలి. పిక్క, తుంటికి ఆనేలా చూసుకోవాలి. ఎడమ కాలును అలాగే నిటారుగా ముందుకు చాచి ఉంచాలి.
• ఇప్పుడు రెండు చేతులను పైకెత్తి ఇరవై సెకెన్లపాటు అదే స్థితిలో ఉండాలి. ఈ సమయంలో శ్వాసక్రియ నిదానంగా కొనసాగించాలి. తర్వాత తిరిగి దండాసన స్థితికి చేరుకోవాలి. తిరిగి ఎడమ కాలితో ఆసనం వేయాలి.

ప్రయోజనాలు: పశ్చిమోత్తానాసనం వేయడం వల్ల గజ్జలు, నడుం కింది భాగం రిలాక్స్‌ అవుతాయి. వెన్నెముక దృఢమవుతుంది. పొత్తికడుపుపై ఒత్తిడి తగ్గుతుంది. తల్లి కడుపులోని శిశువుకు అనుకూలంగా, గర్భసంచి సర్దుబాటు చేసుకుంటుంది.

అనితా అత్యాల
ప్రెగ్నెన్సీ యోగా నిపుణురాలు
6309800109