ఎలుకల గోల తప్పాలంటే..

ఇంట్లో ఎలుకలు ఉంటే.. ప్రత్యక్ష నరకం చూపిస్తాయి. మూలమూలనా విధ్వంసం సృష్టిస్తాయి. వంటింటి సామగ్రి, విద్యుత్‌ వైర్లు, పిల్లల పుస్తకాలు.. ఇలా ప్రతిదాన్నీ నాశనం చేసేస్తుంటాయి. వీటిని నివారించడానికి మార్కెట్‌లో ఎన్నోరకాల మందులు అందుబాటులో ఉన్నాయి. అయితే, ఆ విషపూరిత మందులు.. చిన్నపిల్లలకు హానికరంగా పరిణమిస్తాయి. ఇంట్లో దొరికే వస్తువులతోనే వాటిని తరిమేసే చిట్కాలు కొన్ని ఉన్నాయి.

ఇంట్లో ఎలుకలు ఉంటే.. ప్రత్యక్ష నరకం చూపిస్తాయి. మూలమూలనా విధ్వంసం సృష్టిస్తాయి. వంటింటి సామగ్రి, విద్యుత్‌ వైర్లు, పిల్లల పుస్తకాలు.. ఇలా ప్రతిదాన్నీ నాశనం చేసేస్తుంటాయి. వీటిని నివారించడానికి మార్కెట్‌లో ఎన్నోరకాల మందులు అందుబాటులో ఉన్నాయి. అయితే, ఆ విషపూరిత మందులు.. చిన్నపిల్లలకు హానికరంగా పరిణమిస్తాయి. ఇంట్లో దొరికే వస్తువులతోనే వాటిని తరిమేసే చిట్కాలు కొన్ని ఉన్నాయి.

• ఘాటైన మిరియాల వాసన.. ఎలుకలను తరిమికొడుతుంది. ఎలుకలు తిరిగే ప్రదేశాల్లో మిరియాలు చల్లితే.. అటువైపు రాకుండా ఉంటాయి.
• లవంగాల వాసన ఎలుకలకు పడదు. అవి ఎక్కువగా తిరిగే చోట కొన్ని లవంగాలు ఉంచితే చాలు. లేకుంటే, లవంగాల నూనెను నీటితో కలిపి స్ప్రే చేసినా.. ఎలుకలు పారిపోతాయి.
• పుదీనా నుంచి వచ్చే వాసనలు కూడా ఎలుకలకు నచ్చదు. కాబట్టి, వంటగది కిటికీలు, ఎలుకలు తిరగే ప్రాంతాల్లో పుదీనా మొక్కలను పెంచండి. పుదీనా నూనెను నీటితో కలిపి స్ప్రే చేసినా మంచి ఫలితం కనిపిస్తుంది.
• ఎన్ని చిట్కాలు పాటించినా.. ఇల్లు శుభ్రంగా లేకుంటే పరిస్థితి మొదటికే వస్తుంది. కాబట్టి, ఇల్లు పరిశుభ్రంగా ఉండేలా చూసుకోవాలి.
• ఇంట్లో చెత్తను ఎప్పటికప్పుడు తొలగిస్తూ ఉండాలి. చెత్త డబ్బాలకు మూతలు ఉండేలా చూసుకోవాలి.
• ఎలుకల ఆహార వనరులు, గూడు కోసం ఉపయోగించే వస్తువులను తొలగించాలి.