సుప్త వజ్రాసనం | ర‌క్త‌ప్ర‌స‌ర‌ణ పెరిగేందుకు ఈ ఆస‌నం ఎంతో మేలు చేస్తుంది

December 9, 2021 / 02:50 AM IST

supta vajrasana | ఈ ఆసనం ( Yogaasana ) వేయాలంటే, ముందుగా వజ్రాసన స్థితిలో కూర్చోవాలి. అంటే, రెండు కాళ్లనూ వెనక్కి ముడుచుకొని, పాదాలు పిరుదుల కిందికి తీసుకోవాలి. శరీరాన్ని కాస్త పైకెత్తాలి. వెన్నెముక నిటారుగా ఉండేలా చూసుకోవాలి.

సుప్త వజ్రాసనం | supta vajrasana — supta vajrasana

ఇప్పుడు, రెండు చేతులను చిత్రంలో చూపినట్టు వెనక్కి తీసుకోవాలి. చేతివేళ్లు శరీరం వైపు ఉండేలా అరచేతులను నేలపై ఉంచాలి.
నిదానంగా మెడ కింద, నడుం పైన ఉండేలా శరీర భాగాన్ని పైకి లేపాలి. దీంతో శరీరం ఏటవాలుగా మారుతుంది. ఈ సమయంలో ఛాతీ బరువు భుజాలపై పడుతుంది.
తల వెనక్కి చూసేలా మెడ సాగదీయాలి. దృష్టి వెనకవైపు ఉండేవిధంగా జాగ్రత్తపడాలి.
ఈ ఆసనస్థితిలో.. నిదానంగా ఐదు నుంచి ఆరుసార్లు శ్వాసక్రియ కొనసాగించాలి.

ప్రయోజనాలు

ఛాతీ విశాలం అవుతుంది. శ్వాసక్రియ మెరుగు పడుతుంది. వెన్నెముక, భుజాలు బలంగా తయారవుతాయి. వెన్నెముక, థైరాయిడ్‌ గ్రంథి ప్రాంతాల్లో రక్త ప్రసరణ సరిగ్గా సాగేందుకు సుప్త వజ్రాసనం దోహదం చేస్తుంది. కానీ, డాక్టర్‌ సలహా తీసుకున్న తర్వాతే ఈ ఆసనం ప్రయత్నించాలి. మధ్యలో అసౌకర్యంగా అనిపిస్తే ఆపేయాలి.

– అనితా అత్యాల , ప్రెగ్నెన్సీ యోగా నిపుణురాలు, 6309800109

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి