వీరాసనం | కాన్పు త‌ర్వాత ఈ ఆస‌నాలు వేస్తే ఎన్నో లాభాలు

November 25, 2021 / 08:31 AM IST

yoga | యోగాభ్యాసంతో రకరకాల జబ్బులను నియంత్రిచవచ్చు. గర్భిణులు కాన్పు తర్వాత ఎదురయ్యే ఎన్నో సమస్యలను ఎదుర్కోవచ్చు. ముఖ్యంగా వీరాసనం కిడ్నీల పనితీరును మెరుగుపరుస్తుంది. కాళ్లవాపును అరికడుతుంది. రక్తపోటును నియంత్రిస్తుంది. కాకపోతే, సాధనకు ముందు వైద్యులను సంప్రదించాలి.అసౌకర్యంగా అనిపిస్తే తక్షణం ఆపేయాలి.

ముందుగా దండాసన స్థితిలో కూర్చోవాలి. ఇప్పుడు, రెండు కాళ్లనూ చిత్రంలో చూపిన విధంగా వెనక్కి మడవాలి. కాలి పిక్క తొడకు తాకే విధంగా కూర్చోవాలి. ఈ సమయంలో వెన్నెముక నిటారుగా ఉండాలి.

కాళ్లు వెనక్కి తీసుకున్నప్పటికీ, రెండు పాదాల మధ్య అడుగున్నర దూరం ఉండేలా చూసుకోవాలి. పాదాల మధ్య పిరుదులు నేలకు తాకేలా కూర్చోవాలి. ఈ క్రమంలో శ్వాస క్రియను నిదానంగా కొనసాగించాలి.

శరీరం బరువు పిరుదులు, మోకాళ్లు, పాదాలపై సమంగా పడేలా చూసుకోవాలి.

ఇప్పుడు చేతులను మోకాళ్లపై ఉంచాలి. మెడ నిటారుగా ఉంచి ముందుకు చూస్తూ శ్వాసక్రియను కొనసాగించాలి. ఈ ఆసనంలో కనీసం ఒక నిమిషం వరకైనా ఉండాలి. సాధ్యమనుకుంటే ఇంకో నిమిషం ఉండొచ్చు.

కాళ్లను వెనక్కి పూర్తిగా మడవలేకపోతే, పిరుదుల కింద ఇటుక గానీ, బాక్స్‌ గానీ ఉంచుకోవచ్చు.

అనితా అత్యాల
ప్రెగ్నెన్సీ యోగా నిపుణురాలు
6309800109

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి