కార్పొరేట్‌లోనూ సగం

యాభై ఏళ్ల నాటి సంగతి. మహిళలు ఉద్యోగం చేయడమే ఓ వింత. ఒక్కో దశాబ్దం గడుస్తున్న కొద్దీ పరిస్థితిలో మార్పు వచ్చింది. అద్దాల గోడలు భళ్లున పగిలిపోయాయి. కార్పొరేట్‌ కారిడార్లు సగౌరవంగా ఆమెకు స్వాగతం పలికాయి.

యాభై ఏళ్ల నాటి సంగతి. మహిళలు ఉద్యోగం చేయడమే ఓ వింత. ఒక్కో దశాబ్దం గడుస్తున్న కొద్దీ పరిస్థితిలో మార్పు వచ్చింది. అద్దాల గోడలు భళ్లున పగిలిపోయాయి. కార్పొరేట్‌ కారిడార్లు సగౌరవంగా ఆమెకు స్వాగతం పలికాయి. దిగ్గజ సంస్థల్లో మహిళలు ముఖ్యపాత్ర పోషిస్తున్నారు. పురుషులతో సమానంగా కొలువులు చేస్తున్నారు. తాజా గణాంకాలు దీన్ని నిరూపిస్తున్నాయి.

• నేషనల్‌ స్టాక్‌ ఎక్సేంజ్‌ జాబితాలోని తొలి 500 (నిఫ్టీ 500) కంపెనీల బోర్డుల్లో మహిళల ప్రాతినిధ్యం 18 శాతం. పదేళ్ల క్రితం అది 6 శాతమే.
• వీటిలో 95 శాతం కంపెనీల బోర్డులలో ఒక్క మహిళ అయినా కనిపిస్తుంది. 2017లో అది కేవలం 69 శాతం!
• బోర్డులో ఒకరికి మించి ప్రాతినిధ్యం కల్పించిన కంపెనీలు 40 శాతానికి పైమాటే!
• కంపెనీ బోర్డులో ఆడిట్‌ కమిటీ లాంటి విభాగాలకు పురుషులనే నియమించాలి అనే అలిఖిత నిబంధన ఉండేది. ఈ పరిమితులను కూడా దాటుతున్నారు మహిళలు. ..గతంతో పోలిస్తే పరిస్థితులు మారుతున్నా.. సమాన స్థానం కోసం మహిళలు మరింత దూరం ప్రయాణించాల్సి ఉంది. ఉదాహరణకు నిఫ్టీ 500లో 5 శాతం కంపెనీలలో మాత్రమే మహిళా చైర్‌ పర్సన్‌లు ఉన్నారు!