వేధింపులు లేని డిజిటల్ ప్లాట్ఫామ్ కోసం ఎంతోమంది మహిళలు ఎదురుచూస్తున్నారు. స్వేచ్ఛగా తమ భావాలు వ్యక్తపరచాలని ఆశిస్తున్నారు. అటువంటివారికోసం ప్రత్యేకంగా ఓ యాప్ వచ్చేసింది. అదే ‘గాళ్ ట్రైబ్’. ఇది కేవలం మహిళల కోసమే! ఈ యాప్ సృష్టికర్త మిస్ మాలిని అగర్వాల్. ఈ యాప్లో వృత్తి, మానవ సంబంధాలు, ప్రయాణాలు, మానసిక ఆరోగ్యం, భద్రత వంటి ఎన్నో విషయాలను చర్చించుకోవచ్చు. చర్చలన్నీ గోప్యంగానే ఉంటాయి. భావాలను, ఇష్టాయిష్టాలను స్వేచ్ఛగా పంచుకోవచ్చు. యాప్ ద్వారా ఆన్లైన్ బిజినెస్ కూడా చేయవచ్చు. తమ ఉత్పత్తులను ఈ వేదిక మీద విక్రయించవచ్చు. నిత్యం మంచి విషయాలను మాత్రమే చర్చించే సభ్యులకు ‘పాజిటివిటీ పాయింట్స్’ ‘రిబ్బన్స్’ ‘రివార్డ్స్’ లభిస్తాయి. ఇందులో ఒకరినొకరు ట్రోలింగ్ చేయడం, నకిలీ వార్తలు ప్రచారం చేయడం వంటివి ఉండవు. ఇదొక మహిళల భారీ సమూహం. ‘ఆస్క్ మీ ఎనీథింగ్’ అనే ఆప్షన్ ద్వారా సందేహాలను నివృత్తి చేసుకోవచ్చు. అప్పుడప్పుడూ సెలబ్రెటీలతో ఫన్ కాంటెస్టులు కూడా నిర్వహిస్తుంటారు.