ఐసిస్ దాడిలో రెండు కాళ్లు పోయినా.. ఆత్మ‌విశ్వాసాన్ని మాత్రం కోల్పోలేదు!!

Kurdish film maker Lisa calan | కుర్దిష్‌ గౌన్‌, తలపాగాతో తిరువనంతపురం ‘ఇంటర్నేషనల్‌ ఫిలిం ఫెస్టివల్‌ ఆఫ్‌ కేరళ’ (ఐఐఎఫ్‌కే) వేదిక మీద ‘స్పిరిట్‌ ఆఫ్‌ సినిమా’ పురస్కారం అందుకున్న లీసా కాలన్‌ గురించేకాదు, ఆమె కృత్రిమ పాదం గురించీ ప్రపంచానికి పెద్దగా తెలియదు.

‘నేను ఇక్కడికి చాలా దూరం నుంచి వచ్చాను. నా ప్రయాణంలాగే నా కథ కూడా సుదీర్ఘమైందే. మంచి సినిమాలు తీయాలనేది నా ఏకైక లక్ష్యం. కానీ 2015లో ఐసిస్‌ బాంబు దాడుల్లో నా రెండూ కాళ్లూ పోయాయి. మళ్లీ నిలబడేందుకు కొన్నేండ్ల సమయం పట్టింది. ఇప్పుడు నేను చాలా శక్తిమంతురాలిని’ అంటూ ‘ఇంటర్నేషనల్‌ ఫిలిం ఫెస్టివల్‌ ఆఫ్‌ కేరళ’ (ఐఐ
ఎఫ్‌కే) వేదిక మీదినుంచీ దిక్కులు పిక్కటిల్లేలా ప్రకటించింది లీసా. తనకు వచ్చిన పురస్కారాన్ని 2015లో టర్కిష్‌ పట్టణం సురుక్‌లో జరిగిన ఊచకోత బాధితులకు అంకితం చేసింది. 34 ఏండ్ల లీసా ఆత్మవిశ్వాసాన్ని ఐసిస్‌ బాంబులు సైతం ఏమీ చేయలేకపోయాయి.

2015లో టర్కీలో స్థానిక ఎన్నికలు జరిగాయి. ఆ సమయంలో కుర్దిష్‌ పార్టీ అయిన హెచ్‌డీపీ భారీ ర్యాలీ నిర్వహించింది. ఆ ర్యాలీపై ఐసిస్‌ బాంబుదాడులకు పాల్పడింది. ఆ దుర్ఘటనలో కాళ్లు కోల్పోయిన లీసాకు టర్కీ, జర్మనీ దేశాల్లో శస్త్రచికిత్సలు జరిగాయి. అందుకు అవసరమైన డబ్బును స్నేహితులు క్రౌడ్‌ ఫండింగ్‌ ద్వారా సేకరించారు. అయినా ఆమె నిలబడలేకపోయింది. ఆ వార్త తెలిసి, ఆస్ట్రేలియాకు చెందిన ఒక డాక్టర్‌ టైటానియంతో చేసిన కృత్రిమ పాదాలను అమర్చారు. దీంతో లీసా తనకు ఇష్టమైన సినిమా రంగానికి తిరిగొచ్చారు. ఆమె సినిమాలు టర్కీ ప్రభుత్వం పడగ నీడన బిక్కుబిక్కుమంటున్న కుర్దుల జీవితాలను కండ్లకు కడతాయి. ఆమె నటి మాత్రమే కాదు, స్క్రిప్ట్‌ రచయిత, ఎడిటర్‌, ఆర్ట్‌ డైరెక్టర్‌ కూడా. ఒక దురదృష్టకర సంఘటన ప్రపంచాన్ని, తన చుట్టూ ఉన్న ప్రజలను చూసే దృష్టికోణాన్ని మార్చిందని చెబుతారు లీసా.

Read More :

“Debanji ghosh | భార‌త ఐటీ రంగానికి ఈమె టార్చ్‌బేర‌ర్‌”

“ఒక్క అవకాశం ఆ స్త్రీమూర్తులను సిరి మహాలక్షులుగా మార్చేసింది”

“Kanika Reddy | విమాన‌యాన సంస్థ‌కే సీఈవో అయిన ఈమె ఎంతోమంది మ‌హిళ‌ల‌కు ఇన్‌స్పిరేష‌న్‌”

“Manasa Varanasi | ప్ర‌పంచ సుంద‌రి కాలేక‌పోయినా.. మ‌న‌సు మాత్రం బంగారం”