నోటి అల్సర్లకు ఇంట్లోనే చెక్‌!

ప్రస్తుతం చాలామంది మహిళల్లో నోటి అల్సర్లు కనిపిస్తున్నాయి. ఒత్తిడి, నిద్రలేమి, విటమిన్‌ లోపంతోపాటు నెలసరి సందర్భంగా హార్మోన్లలో మార్పుల వల్ల ఈ సమస్య ఎక్కువగా వస్తున్నది. కారణాలు ఏవైనా.. నోటి అల్సర్లతో తీవ్రమైన నొప్పితోపాటు నీరు తాగడానికీ ఇబ్బంది పడాల్సి వస్తుంది.

ప్రస్తుతం చాలామంది మహిళల్లో నోటి అల్సర్లు కనిపిస్తున్నాయి. ఒత్తిడి, నిద్రలేమి, విటమిన్‌ లోపంతోపాటు నెలసరి సందర్భంగా హార్మోన్లలో మార్పుల వల్ల ఈ సమస్య ఎక్కువగా వస్తున్నది. కారణాలు ఏవైనా.. నోటి అల్సర్లతో తీవ్రమైన నొప్పితోపాటు నీరు తాగడానికీ ఇబ్బంది పడాల్సి వస్తుంది. అయితే, ఈ సమస్యకు అల్లోపతి మందులకు బదులుగా.. వంటింటి చిట్కాలతోనే పరిష్కారం చూపొచ్చని నిపుణులు చెబుతున్నారు.

• నోటి అల్సర్లను తగ్గించడంలో తేనె సమర్థంగా పనిచేస్తుంది. ఇందులో యాంటి మైక్రోబియల్‌ గుణాలు అధికం. అల్సర్లను కలిగించే బ్యాక్టీరియాను ఇట్టే నిర్మూలిస్తుంది. కాబట్టి, సమస్య ఎక్కువగా ఉన్నచోట కొద్దిగా తేనె రాస్తే .. మంచి ఫలితం కనిపిస్తుంది. తేనెకు చిటికెడు పసుపు కలిపితే.. త్వరిత ఉపశమనం కలుగుతుంది.
• అల్సర్లను తగ్గించే శక్తి లవంగాలకు ఉన్నదని ఆయుర్వేద నిపుణులు చెబుతున్నారు. లవంగాలను నమిలినా, సమస్య ఉన్న చోట లవంగాల నూనెను అప్లయి చేసినా.. అల్సర్లు తగ్గుతాయని అంటున్నారు.
• తులసి ఆకుల్లో యాంటి ఇన్‌ఫ్లమేటరీ, యాంటి బ్యాక్టీరియల్‌, యాంటి ఆక్సిడెంట్‌తోపాటు ఇమ్యునో మాడ్యులేటరీ లక్షణాలు పుష్కలంగా లభిస్తాయి. అలర్జీలతోపాటు వివిధ నోటి రుగ్మతలను తగ్గించడంలోనూ తులసి ఆకులు ముందుంటాయి. రోజుకు నాలుగైదుసార్లు కొన్ని తులసి ఆకులను నమలడం వల్ల.. నోటి అల్సర్లకు చెక్‌ పెట్టొచ్చు.
• నోటి పుండ్లు ఉన్న ప్రాంతంలో కొద్దిగా కొబ్బరినూనె రాస్తే.. మంచి ఉపశమనం కలుగుతుంది. ఎండుకొబ్బరి ముక్కలను నమిలినా అల్సర్లు తగ్గుముఖం పడుతాయి. నోటి అల్సర్లు ఎక్కువగా బాధిస్తే.. పచ్చి కొబ్బరినీళ్లను తరచుగా తీసుకోవాలి.
  దీనివల్ల శరీరంలోని వేడి తగ్గి.. అల్సర్లు కూడా దూరమవుతాయి.