రంగు పడుద్ది!

జీవనశైలి లోపాలతో ఇప్పుడు చాలామందిలో చిన్నవయసులోనే నెత్తి నెరుస్తున్నది. దాంతో.. జుట్టుకు రంగు వేసుకోవడం అనివార్యం అవుతున్నది.

జీవనశైలి లోపాలతో ఇప్పుడు చాలామందిలో చిన్నవయసులోనే నెత్తి నెరుస్తున్నది. దాంతో.. జుట్టుకు రంగు వేసుకోవడం అనివార్యం అవుతున్నది. అయితే.. ‘హెయిర్‌ డై’ వల్ల అనేక అనారోగ్య సమస్యలు వచ్చే అవకాశం ఉన్నదని పలు అధ్యయనాల్లో తేలింది. హార్మోన్ల అసమతుల్యత, క్యాన్సర్‌ వంటివీ దాడిచేసే ప్రమాదం ఉన్నది.

ఈ క్రమంలో జుట్టుకు రంగు వేసుకునే సమయంలో కొన్ని జాగ్రత్తలు పాటించాలని అంటున్నారు నిపుణులు.

• ‘హెయిర్‌ డై’ని మొదటిసారిగా ఉపయోగించేవారు.. వైద్య సలహా తీసుకోవడం మంచిది. వైద్య నిపుణుల సూచన మేరకు.. మీ చర్మం, జుట్టుకు సరిపోయే ‘డై’ని ఎంచుకోవాలి.
• రసాయనాలు లేని.. ముఖ్యంగా, అమోనియా పెరాక్సైడ్‌, సల్ఫేట్స్‌ లేని హెయిర్‌ డైలకు ప్రాధాన్యం ఇవ్వాలి.
• రంగు వేసుకునే ముందు ముఖానికి, మాడుకు మాయిశ్చరైజర్‌ ఐప్లె చేయాలి. ఆ తర్వాతే రంగు వేసుకోవాలి.
• రసాయన రంగుల వల్ల అలర్జీలు వచ్చే అవకాశం ఉంటుంది. కాబట్టి, డై వేసుకోవడానికి రెండు రోజుల ముందే చెవి వెనుక జుట్టుకు ప్యాచ్‌టెస్ట్‌ చేసుకోవాలి. ఎలాంటి అలర్జీ రాకపోతే.. రంగు వేసుకోవచ్చు.
• జుట్టు, గడ్డం-మీసాల వరకూ ఫర్వాలేదు. కొందరు కనుబొమ్మలకు కూడా డై వేస్తుంటారు. ఈ అలవాటు కళ్లకు చాలా ప్రమాదకరం. ఎట్టిపరిస్థితుల్లోనూ కనుబొమ్మలకు డై వేయొద్దు.
• జుట్టుకు రంగు వేసుకున్న తర్వాత.. కొన్ని రోజుల వరకూ వేడినీళ్లతో స్నానం చేయకపోవడమే మంచిది. తలస్నానాలు కూడా తరచుగా చేయొద్దు. లేదంటే.. రంగు నెరిసిపోయే అవకాశం ఉంటుంది. ఇక బ్లో డ్రెయింగ్‌, హెయిర్‌ స్ట్రెయిటనింగ్‌ వంటివీ వారం రోజుల దాకా పక్కన పెట్టేయాలి.
• సూర్యకాంతిలోని యూవీ కిరణాల ప్రభావం వల్ల కూడా జుట్టు రంగును కోల్పోతుంది. కాబట్టి, బయటికి వెళ్లేటప్పుడు టోపీలు, స్కార్ఫ్‌ లాంటివి ధరించాలి.
  చివరిగా.. ప్రస్తుతం తెల్లజుట్టు కూడా ఓ ఫ్యాషన్‌ ట్రెండ్‌గానే మారిపోయింది. అందుకే, తెల్లజుట్టు కనిపించగానే తెల్లబడి పోకండి. గ్రే హెయిర్‌నూ ‘గ్రేట్‌ హెయిర్‌’గా మార్చుకోండి.