హద్దుల్లో ఉందాం..

నిజం గడప దాటేలోపు అబద్ధం ఊరంతా చుట్టేస్తుందని నానుడి. ఈ డిజిటల్‌ యుగంలో అబద్ధం రోడ్డెక్కక ముందే.. పుకార్లు సోషల్‌ మీడియాలో కోడై కూస్తున్నాయి. రెండు దేశాల మధ్య ఉద్రిక్త పరిస్థితులు నెలకొన్న నేపథ్యంలో సామాజిక మాధ్యమాల్లో అసత్యాలు తెగ వైరల్‌ అవుతున్నాయి. ఈ నేపథ్యంలో నెటిజన్లు ఏ కాస్త ఏమరుపాటుగా ఉన్నా దేశానికి ద్రోహం చేసినవాళ్లు అవుతారు.

నిజం గడప దాటేలోపు అబద్ధం ఊరంతా చుట్టేస్తుందని నానుడి. ఈ డిజిటల్‌ యుగంలో అబద్ధం రోడ్డెక్కక ముందే.. పుకార్లు సోషల్‌ మీడియాలో కోడై కూస్తున్నాయి. రెండు దేశాల మధ్య ఉద్రిక్త పరిస్థితులు నెలకొన్న నేపథ్యంలో సామాజిక మాధ్యమాల్లో అసత్యాలు తెగ వైరల్‌ అవుతున్నాయి. ఈ నేపథ్యంలో నెటిజన్లు ఏ కాస్త ఏమరుపాటుగా ఉన్నా దేశానికి ద్రోహం చేసినవాళ్లు అవుతారు.

భావోద్వేగాలు రెచ్చగొట్టే పోస్టులు చేయకుండా ఉండటం ఉత్తమం. సరిహద్దుల్లో ప్రాణాలకు తెగించి పోరాడుతున్న సైనికులపై అవాకులు చెవాకులూ పేలడం నైతికత అనిపించుకోదు. పైగా, డిజిటల్‌ మీడియాలో అనుచిత వ్యాఖ్యలు చేయడం కూడా సబబు కాదు. ముఖ్యంగా ఈ పరిస్థితులు యుద్ధానికి దారితీస్తే మరిన్ని జాగ్రత్తలు తప్పనిసరి.

• సోషల్‌ మీడియాలో వచ్చే వార్తలను గుడ్డిగా నమ్మొద్దు. ఫ్యాక్ట్‌ చెక్‌ చేయకుండా వాటిని షేర్‌ చేయొద్దు.
• ఆర్టిఫీషియల్‌ ఇంటెలిజెన్స్‌ మార్ఫింగ్‌ వీడియోలు విపరీతంగా షేర్‌ అవుతున్నాయి. మన ఊళ్లోనే బాంబు పడినట్టు, ప్రజలు భయంతో పరుగులు తీస్తున్నట్టు ఏఐ వీడియోలు సామాజిక మాధ్యమాల్లో తిరుగుతున్నాయి. వాటిని చూడగానే కంగారుపడకండి. అందులోంచి తేరుకోకముందే గ్రూప్స్‌లో షేర్‌ చేయకండి.
• విశ్వసనీయ వార్తా సంస్థలు, ఇండియన్‌ ఆర్మీ, రక్షణ శాఖ, ప్రభుత్వ ప్రకటనల నుంచే సరైన సమాచారం అందుతుందని గుర్తుంచుకోవాలి.
• దేశమంతా కలిసికట్టుగా ఉండాల్సిన సమయం ఇది. ఇలాంటి వేళ సున్నితమైన అంశాలను వైరల్‌ చేయడం వల్ల.. దేశ సమైక్యతకు భంగం వాటిల్లే ప్రమాదం ఉంటుందని మర్చిపోవద్దు.
• వాట్సాప్‌ స్టేటస్‌, ఫేస్‌బుక్‌ పోస్టులు, ఇన్‌స్టా రీల్స్‌లోనూ సంయమనంతో వ్యవహరించడం పౌరుడిగా మన బాధ్యత.