హెల్దీ లంచ్‌ బాక్స్‌

ఏ రంగాన్ని తీసుకున్నా సరే ఉద్యోగులు రోజులో 8 నుంచి 10 గంటల పాటు ఆఫీసుల్లోనే గడపాల్సి ఉంటుంది. దీంతో పని ప్రదేశాల్లో భోజనం, స్నాక్స్‌ తినడం తప్పనిసరి వ్యవహారం. చాలామంది ఆహార పదార్థాలను ప్లాస్టిక్‌ డబ్బాల్లోనే తీసుకువెళ్తుంటారు.

ఏ రంగాన్ని తీసుకున్నా సరే ఉద్యోగులు రోజులో 8 నుంచి 10 గంటల పాటు ఆఫీసుల్లోనే గడపాల్సి ఉంటుంది. దీంతో పని ప్రదేశాల్లో భోజనం, స్నాక్స్‌ తినడం తప్పనిసరి వ్యవహారం. చాలామంది ఆహార పదార్థాలను ప్లాస్టిక్‌ డబ్బాల్లోనే తీసుకువెళ్తుంటారు. ఆరోగ్యానికి ఇదంత మంచిది కాదు.
ప్రత్యామ్నాయంగా గాజు లంచ్‌ బాక్సులను ఎంచుకుంటే మంచిదని నిపుణులు సూచిస్తున్నారు.

• ప్లాస్టిక్‌ డబ్బాలు ఎంత నాణ్యమైనవైనా సరే అవి ఆహారంలోకి హానికరమైన రసాయనాలను విడుదల చేస్తాయి. ముఖ్యంగా వీటిల్లో ఉండే బైస్ఫినాల్‌ ఏ, థాలేట్స్‌ లాంటివి దీర్ఘకాలంలో ఆరోగ్యానికి కీడు చేస్తాయి. గ్లాస్‌ లంచ్‌ బాక్సులైతే రసాయనాల బెడద ఉండదు. కాబట్టి ఆహారం సురక్షితంగా, ఆరోగ్యకరంగా ఉంటుంది.
• గ్లాస్‌ వస్తువులు పొరలు పొరలుగా ఉండవు. దాంతో ఆహారం నుంచి ఎలాంటి వాసనలు, మరకలను గ్రహించవు. ఇది గుడ్లు, చేపలు లాంటి గాఢమైన వాసనలు ఉండే ఆహారాలు తినేవారికి మంచి ఎంపిక.
• ప్లాస్టిక్‌ డబ్బాలు పర్యావరణానికి హాని చేస్తాయి. ఇవి భూమిలో కలిసిపోవడానికి వందల ఏండ్లు పడుతుంది. అదే గాజు వస్తువులైతే రీసైకిల్‌ చేయవచ్చు. అలా గాజు లంచ్‌ బాక్సులు వాడి భూమాతకు ప్లాస్టిక్‌ బెడదను తప్పించవచ్చు.
• ఆహారాన్ని మైక్రోవేవ్‌ ఓవెన్‌లో వేడి చేయాలనుకుంటే గాజు బాక్సులు సురక్షితం. వేడి చేసే క్రమంలో గాజు వస్తువులు ఎలాంటి రసాయనాలనూ విడుదల చేయవు. అదే ప్లాస్టిక్‌వైతే మైక్రోవేవ్‌లో ఆహారం వేడిచేయడం కొంచెం రిస్కే!