BRS | మాజీ ఎమ్మెల్యే గండ్ర సమక్షంలో బీఆర్‌ఎస్‌లో చేరిన యువత

BRS | భూపాలపల్లి మాజీ ఎమ్మెల్యే గండ్ర వెంకటరమణారెడ్డి ఆధ్వర్యంలో వంద మంది యువకులు బీఆర్‌ఎస్‌ పార్టీలో చేరారు.

జయశంకర్ భూపాలపల్లి : భూపాలపల్లి మాజీ ఎమ్మెల్యే గండ్ర వెంకటరమణారెడ్డి ( Gandra Venkataramana Reddy ) ఆధ్వర్యంలో వంద మంది యువకులు బీఆర్‌ఎస్‌ ( BRS ) పార్టీలో చేరారు. భూపాలపల్లి మున్సిపాలిటీ పరిధిలోని 16, 28 వార్డులకు చెందిన యువతకు మాజీ ఎమ్మెల్యే గులాబీ కండువా కప్పి పార్టీలోకి ఆహ్వానించారు.

అనంతరం పార్టీ కార్యాలయంలో ఏర్పాటు చేసిన విలేకరుల సమావేశంలో గండ్ర మాట్లాడుతూ బీఆర్ఎస్ ప్రజల సంక్షేమ పార్టీ అని, రాబోయే రోజుల్లో ఏ ఎన్నిక వచ్చిన బీఆర్ఎస్ అభ్యర్థులు భారీ మెజార్టీతో గెలవడం ఖాయమన్నారు. రాష్ట్రంలో కాంగ్రెస్ గ్రాఫ్ పూర్తిగా పడిపోయిందని, అనతి కాలంలోనే ప్రజల చేత తిరస్కరించ బడిన సీఎంగా రేవంత్ రెడ్డి చరిత్రలో నిలిచిపోతాడన్నారు. ఈ సమావేశంలో బీఆర్ఎస్ పార్టీ నాయకులు, కార్యకర్తలు, తదితరులు పాల్గొన్నారు.