ఎండుతున్న పైరు.. రైతన్న కన్నీరు
ఎండుతున్న పైరును చూసి రైతన్న కన్నీరు పెడుతున్నాడు. జనగామ జిల్లా దేవరుప్పుల మండలంలో చెరువులు, చెక్డ్యాంల్లో నీరు లేకపోవడంలో భూగర్భ జలాలు అడుగంటి బోర్లలో చుక్క నీరు రావడం లేదు.
- అడుగంటిన చెరువులు, చెక్డ్యాంలు
- భూగర్భ జలాలు తగ్గి పోయని బోర్లు
- దేవాదుల నీరే ప్రధాన వనరు
- దేవరుప్పుల మండలంలో నేటికీ చుక్క నీరు పారని కాల్వలు
- ఎమ్మెల్యే యశస్వినీ రెడ్డి వైఫల్యంతోనే ఈ దుస్థితంటున్న అన్నదాతలు
ఎండుతున్న పైరును చూసి రైతన్న కన్నీరు పెడుతున్నాడు. జనగామ జిల్లా దేవరుప్పుల మండలంలో చెరువులు, చెక్డ్యాంల్లో నీరు లేకపోవడంలో భూగర్భ జలాలు అడుగంటి బోర్లలో చుక్క నీరు రావడం లేదు. దేవాదుల నీరే ప్రధాన వనరుగా ఉన్నా, కాంగ్రెస్ సర్కారు కాల్వల్లో నేటికీ చుక్క నీరు విడుదల చేయకపోవడంతో పొట్టకొచ్చిన వరి చేన్లు ఎండిపోతున్నాయి. సగానికి సగం వరి చేన్లు జీవాలకు మేతగా మారుతున్నాయి. చేతికి రావాల్సిన పంట ఇలా పనికి రాకుండా పోవడంతో అన్నదాత గుండె పలిగి రోదిస్తున్నాడు.
– దేవరుప్పుల, మార్చి 3
యాసంగి ఆరంభంలో భూగర్భ జలాలు సంతృప్తికరంగా ఉండడంతో రైతులు వరి నాట్లు వేయడానికి మొగ్గు చూపారు. దీనికి తోడు ఏటా నవాబుపేట, స్టేషన్ ఘన్పూర్ రిజర్వాయర్ల నుంచి దేవాదుల నీరు కాల్వల ద్వారా వదులుతుండడంతో అదే భరోసాతో ఉన్నారు. మార్చి నాటికి కూడా కాల్వలు వదలకపోవడంతో చెరువులు, వాగులు ఎండి భూగర్భ జలాలు గణనీయంగా తగ్గాయి. మండలంలో ప్రధాన నీటి వనరులైన సింగరాజుపల్లి సింగరాయ చెరువు, వాగుపై ఉన్న 9 చెక్డ్యామ్లు, కడవెండి తాళ్ల చెరువు, మాధాపురం గరిక చెరువు, దేవరుప్పుల గుడి చెరువు, చినమడూరు, పెదమడూరు, నీర్మాల చెరువుల్లో నీరు లేకపోవడం ఈ దుస్ధితికి కారణమని రైతులు అంటు న్నారు.
దీంతో భూగర్భ జలాలు అడుగంటి వ్యవసాయ బోర్లలో నీళ్లు బందయ్యాయి. ఇప్పటికే పంట పొలాలు దాదాపుగా ఎండగా రైతులు పశువులను మేపుతున్నారు. కొందరు గొర్రెలు మేపుకోవడానికి కాపరులకు అమ్ముకుంటున్నారు. మరి కొందరు గడ్డి కోసి పసుల మేతకు నిల్వ చేసుకుంటున్నారు. చేతికి రావాల్సిన పంట ఇలా ఎండు తుండడంతో రైతు కుటుంబాలు దిగులు పడుతున్నాయి. కొందరు రైతులు తమ బిడ్డలు పెండ్లిళ్ల కు ఉన్నారని, మరికొందరు అప్పులు తెచ్చి నాట్లు వేశామని కన్నీరు పెడుతున్నారు. నీటి కరువు తీర్చడానికి ప్రధాన వనరైన దేవాదుల నీరు తెప్పించడంలో స్థానిక ఎమ్మెల్యే యశస్వినీరెడ్డి విఫలం కావడంతోనే ఈ దుస్థితి దాపురించిందని రైతులు చెప్పుకుంటున్నారు.
నోటికాడి బుక్క మట్టిల పడ్డట్టుంది
యాసంగి దినం 8 ఎకరాలు నాటు పెడితే ఏడెకరా లు ఎండింది. మూడు బోర్లు పోస్తలేవు. ఎకరానికి రూ. 20 వేల పెట్టుబడి పెట్టినం. కొంత పొలం ఈనింది. కొంత పొలం పొట్టకుంది. నోటి కాడి బుక్క మట్టిల పడ్డట్టుంది. పొలం అంతా ఎండుతున్నది. సింగరా య చెరువుల నీళ్లుం టే మాబోర్లు పోసేది. ఇది పదేండ్ల సంది ఎప్పుడు ఎండలే. అదే నమ్మకంతో నాట్లు పెట్టినం. దేవాదుల కాల్వలు వదలకపోవడంతోనే చెరువుల నీళ్లు లేకుండ పోయినయి. ఇద్దరు బిడ్డలు పెం డ్లిళ్లకున్నరు. ఈ పంటతో బిడ్డ పెండ్లి చేయొచ్చని కలలు కన్నం. పొ లం ఎండడంతో రందిప డుతున్నం. నా మొగడు లింగా రంది తో ఆగమాగం చేస్తే దవాఖానకు తీసుకుపోయిన. డాక్టర్ గుం డెపోటు వచ్చిందన్నడు. ఏదో బాధతోని ఉన్నడన్నడు. అప్పటి నుంచి పొలంకాడికి రానిస్తలే ను. నేనే చూ సుకుంటున్న. పంటంత ఎండేటట్లున్నది. పసుల మేపుతున్నం.
– కున్సోత్ సరిత, రైతు, పచ్చర్లబాయి తండా
Read Today's Latest Warangal-rural News in Telugu and Telugu News
RELATED ARTICLES
తాజా వార్తలు
పెళ్లయిన తెల్లారే కొత్త పెళ్లికూతురికి ప్రసవం.. షాక్లో పెళ్లికొడుకు
S.S Karthikeya | కార్తికేయకు సూపర్ స్టార్ మహేశ్ బాబు స్పెషల్ బర్త్డే విషెస్.. ఫొటో వైరల్!
Vijay Antony | ‘నాన్నకుట్టి’ సినిమా ప్రమోషన్స్ కోసం జనరల్ బోగీలో ప్రయాణించిన విజయ్ ఆంటోనీ.. నెట్టింట వైరల్!
ENE Repeat | రెండు రోజుల్లోనే రూ.23 కోట్లకు పైగా వసూళ్లు.. నార్త్ అమెరికాలోనూ మిలియన్ డాలర్ క్లబ్లోకి ‘ENE రిపీట్’!
Dal Lake ride | పర్యాటకుల సందడి.. దాల్ సరస్సులో శిఖారా రైడ్ చూశారా..?
ట్రెండింగ్ వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి

