గిరిజన హితమే సర్కారు అభిమతం

రాష్ట్రంలో అన్ని వర్గాల సంక్షేమానికి సీఎం కేసీఆర్‌ పెద్దపీట వేస్తున్నారు. వెనుకబడిన తరగతులు, షెడ్యూల్డ్‌ కులాలు, షెడ్యూల్డ్‌ తెగలు, మైనార్టీ ప్రజల అభివృద్ధికి బాటలు వేస్తున్నారు. అనేక రకాల పథకాలను అమలు చేస్తూ పేదల పక్షపాతిగా నిలిచారు. 2014 నుంచి గిరిజనులకు స్వర్ణయుగం వచ్చింది. పోడు భూములకు పట్టాలు, పెరిగిన జనాభాకు అనుగుణంగా రిజర్వేషన్లను 6శాతం నుంచి 10శాతం పెంచడం వంటి విప్లవాత్మక నిర్ణయాలు తీసుకున్నారు. శతాబ్దం నుంచి అపరిష్కృతంగా ఉన్న గిరిజనుల సమస్యలను పరిష్కరించారు.

• స్వరాష్ట్రంలో గిరిబిడ్డల అభ్యున్నతికి పెద్దపీట
• ఉమ్మడి జిల్లాలో 605 తండాలు, గూడేలు జీపీలుగా ఏర్పాటు
• ‘మా తండాలో మా రాజ్యం’ కల సాకారం
• 6 నుంచి పది శాతానికి రిజర్వేషన్‌ పెంపు
• నేడు ‘తెలంగాణ గిరిజనోత్సవం’

మహబూబాబాద్‌, జూన్‌ 16 (నమస్తే తెలంగాణ) : రాష్ట్రంలో అన్ని వర్గాల సంక్షేమానికి సీఎం కేసీఆర్‌ పెద్దపీట వేస్తున్నారు. వెనుకబడిన తరగతులు, షెడ్యూల్డ్‌ కులాలు, షెడ్యూల్డ్‌ తెగలు, మైనార్టీ ప్రజల అభివృద్ధికి బాటలు వేస్తున్నారు. అనేక రకాల పథకాలను అమలు చేస్తూ పేదల పక్షపాతిగా నిలిచారు. 2014 నుంచి గిరిజనులకు స్వర్ణయుగం వచ్చింది. పోడు భూములకు పట్టాలు, పెరిగిన జనాభాకు అనుగుణంగా రిజర్వేషన్లను 6శాతం నుంచి 10శాతం పెంచడం వంటి విప్లవాత్మక నిర్ణయాలు తీసుకున్నారు. శతాబ్దం నుంచి అపరిష్కృతంగా ఉన్న గిరిజనుల సమస్యలను పరిష్కరించారు.

మా తండాలో మా రాజ్యం..
ఐదు వందల జనాభా ఉన్న అన్ని గిరిజన తండాలు, గోండు గూడేలను గ్రామ పంచాయతీలుగా చేశారు. ఉమ్మడి వరంగల్‌ జిల్లాలో 605 తండాలు, గూడేలను జీపీలుగా ఏర్పాటు చేశారు. మా తండాలో మా రాజ్యం అనే నినాదంతో ఏళ్లుగా పోరాటం చేస్తున్న గిరిజనుల చిరకాల వాంఛను నెరవేర్చిన ఘనత సీఎం కేసీఆర్‌ దక్కుతుంది. అంతే కాకుండా ప్రతి జీపీలో పంచాయతీ భవనానికి రూ.20లక్షలు మంజూరు చేశారు. తండాలకు బీటీ, సీసీ రోడ్లు వేశారు. గిరిజనుల వికాసానికి ఐటీడీఏ, గిరిజన సంక్షేమ శాఖ నుంచి వేలాది కోట్లు వెచ్చిస్తున్నారు.

పది శాతానికి పెరిగిన రిజర్వేషన్‌..
సీఎం కేసీఆర్‌ ఇచ్చిన మాట ప్రకారం గిరిజనుల జనాభా శాతానికి అనుగుణంగా గిరిజన రిజర్వేషన్లను 6శాతం నుంచి పది శాతానికి పెంచారు. దీంతో గిరిజన విద్యార్థులకు విద్య, ఉద్యోగ అవకాశాలు పెద్ద ఎత్తున పెరిగాయి. గత సంవత్సరం ఇంజినీరింగ్‌, మెడికల్‌ విద్యార్థులకు సీట్లు అదనంగా వచ్చాయి. గ్రూప్‌-1, గ్రూప్‌-2 ఇతర శాఖల్లో పోస్టుల నియామకాల్లో గిరిజనులకు అవకాశాలు పెరిగాయి. గతంలో ఎన్నడు లేని విధంగా మద్యం షాపుల లైసెన్సుల్లో ఎస్టీలకు 5 శాతం రిజర్వేషన్లు కల్పించడంతో ఎంతోమందికి లబ్ధి చేకూరింది. అలాగే 38,158 మంది గిరిజన పోడు రైతులకు 1,02,703 ఎకరాలకు హక్కు పత్రాలు అందించేందుకు ప్రభుత్వం చర్యలు చేపట్టింది. వీరికి రైతు బంధు, రైతు బీమా పథకాలను అందించనున్నారు. పోడు పట్టాలను జూన్‌ 24 నుంచి పంపిణీ చేయనున్నారు.

గిరిజనులకు పథకాలు..

• ఉమ్మడి జిల్లా పరిధిలో ఇప్పటి వరకు కల్యాణలక్ష్మి పథకం ద్వారా 20,420 మంది గిరిజనులకు రూ.178.50కోట్లు సహాయం అందించారు.
• రైతు బంధు పథకం ద్వారా 2.13లక్షల గిరిజన రైతుల బ్యాంకు ఖాతాల్లో రూ.145.62కోట్లు జమ చేశారు.
• 45,558 మంది గిరిజన మహిళలకు రూ.9.11కోట్ల ఆర్థిక సాయంతో పాటు కేసీఆర్‌ కిట్లు అందించారు.
• తెలంగాణ ఏర్పాటు తర్వాత 1,42,009 మందికి ఆసరా పింఛన్ల ద్వారా రూ.31.38కోట్లు పంపిణీ చేశారు.
• తండాలు, గూడేల్లో 1,315.15 కిలోమీటర్ల పైపులైన్లు వేసి 621 ఓవర్‌ హెడ్‌ ట్యాంకులు నిర్మించి 72,545 గిరిజన కుటుంబాలకు తాగునీటి సదుపాయం కల్పించారు.
• ఉమ్మడి జిల్లాలో 11,367 గిరిజన కుటుంబాలకు ఆర్థికాభివృద్ధి కోసం రూ.96.01కోట్ల సాయమందించారు.
• గిరివికాసం పథకం ద్వారా రూ.21.07 కోట్లతో 3,663 మందికి చెందిన 7,512 ఎకరాల భూమికి సాగునీటి సౌకర్యం కల్పించారు.
• గ్రామీణ రవాణా పథకం ద్వారా 168 మంది గిరిజన యువతకు రూ.4.83కోట్లతో రవాణా వాహనాలు అందించారు.
• గోదాములు, వ్యవసాయ యాంత్రీకరణ, ఆహార శుద్ధి పరిశ్రమల ఏర్పాటు కోసం తొమ్మిది గిరిజన రైతు ఉత్పత్తిదారుల సంఘాలకు రూ. 2.79 కోట్లు అందించారు.
• 240 మంది గిరిజన యువతకు రూ.4.38కోట్లతో వివిధ యూనిట్లను అందించారు. సీఎం ఎస్టీ, ఎంటర్‌ప్రెన్యూర్‌షిప్‌, ఇన్నోవేషన్‌ పథకం ద్వారా నలుగురు గిరిజన ఔత్సాహిక పారిశ్రామిక వేత్తలకు రూ.1.67కోట్లు అందించారు.

తండాలు, గూడేలకు వసతులు..

• ఉమ్మడి జిల్లా పరిధిలో రూ.293.23 కోట్లతో మొత్తం 211 జీపీలకు రోడ్డు సౌకర్యం కల్పించారు.
• రూ.13.50కోట్లతో 8 గిరిజన భవనాలను నిర్మించారు.
• హైదరాబాద్‌లోని బంజారా హిల్స్‌లో రూ.45కోట్లతో కొమ్రం భీం ఆదివాసీ భవనం, సంత్‌ సేవాలాల్‌ బంజారా భవనాలను ప్రభుత్వం నిర్మించింది.
• 138 గిరిజన గ్రామాలకు రూ.3.11కోట్ల వ్యయంతో వ్యవసాయ అవసరాల కోసం త్రీ ఫేస్‌ కరంట్‌ సౌకర్యం కల్పించింది.
• ఉమ్మడి జిల్లాలోని 63,935 గిరిజన కుటుంబాలకు 101 యూనిట్ల వరకు ఉచిత గృహ విద్యుత్‌ అందిస్తున్నది. ఇందుకోసం ఇప్పటి వరకు రూ.6.15కోట్లు ఖర్చు చేసింది.
• రూ.6.75కోట్లతో వర్కింగ్‌ ఉమెన్స్‌ హాస్టల్స్‌ నిర్మించింది.
• 12 రెసిడెన్సియల్‌ స్కూల్స్‌ భవనాల నిర్మాణానికి రూ.55.20కోట్లు వెచ్చించింది.
• మహబూబాబాద్‌ జిల్లాలో 17 గిరిజన గురుకులాలను ఏర్పాటు చేసింది. వచ్చే విద్యా సంవత్సరం నుంచి గురుకులాల్లో తరగతులు ప్రారంభం కానున్నాయి. ఒక్కో గురుకుల భవన నిర్మాణానికి రూ. 12కోట్లు మంజూరు చేసింది.
• మేడారం జాతరలో మౌలిక వసతుల కల్పన కోసం రూ.345 కోట్లు ఖర్చు వెచ్చించింది. రూ.2.25 కోట్లతో గిరిజన మ్యూజియం ఏర్పాటు చేసింది. రాష్ట్ర ప్రభుత్వం ప్రతి సంవత్సరం సంత్‌ సేవాలాల్‌ జయంతి ఉత్సవాల నిర్వహణ కోసం ప్రతి నియోజకవర్గానికి రూ. కోటి కేటాయిస్తున్నది.
• గిరిజన సహకార సంస్థ అటవీ ఉత్పత్తులను సేకరిస్తున్నది. రూ.4.86కోట్ల ఆదాయం గిరిజన కుటుంబాలకు చేరింది.
• గిరిజన రైతులు సాగుచేసిన ధాన్యాన్ని సేకరించి రూ. 50153.03 కోట్లను వారి ఖాతాల్లో జమచేసింది.
• మారుమూల గిరిజన ప్రాంతాల్లో డీఆర్‌ డిపోల ద్వారా రూ.6,010.51 కోట్ల క్రయవిక్రయాలు జరిగాయి.
• ములుగు జిల్లాలో 8, మహబూబాబాద్‌ జిల్లాలో 4 పెట్రోల్‌ బంకులు ఏర్పాటు చేసి 84 మందికి ఉపాధి కల్పించింది. రూ.138.54కోట్ల అమ్మకాలు జరిగాయి.

గిరిజనుల కల నెరవేరింది..
– గిరిజన సంక్షేమ శాఖ మంత్రి సత్యవతి రాథోడ్‌
సీఎం కేసీఆర్‌ పాలన గిరిజనులకు స్వర్ణయుగం. గిరిజనుల అస్తిత్వాన్ని గుర్తించి రాష్ట్రం ఏర్పడిన అనతికాలంలోనే గిరిజన ప్రాంతాలను అభివృద్ధి చేసి చూపించారు. సమైక్య రాష్ట్రంలో తండాలు, గూడేల పరిస్థితి అధ్వానంగా ఉండేది. అప్పటికి ఇప్పటికి పరిస్థితి ఎంతలా మారిందో కళ్ల ముందు కనిపిస్తున్నది. మహబూబాబాద్‌, జనగామ, భూపాలపల్లి, ములుగు జిల్లాల్లో మెడికల్‌ కళాశాలల నిర్మాణంతో విద్యార్థులకు ఎంతో మేలు జరుగుతున్నది. ఉమ్మడి జిల్లాలో 605 తండాలు, గూడేలను జీపీలుగా చేశారు. రిజర్వేషన్‌ను పది శాతానికి పెంచడంతో వి ద్య, ఉద్యోగాల్లో వారికి ఎక్కువ అవకాశాలు దొరుకుతున్నాయి. సీఎం కేసీఆర్‌కు గిరిజనులు జీవితాంతం రుణపడి ఉంటారు.