BRS | జయశంకర్‌ సార్‌కు రాజ్యసభ బీఆర్‌ఎస్‌ సభ్యుల నివాళి

BRS | జయశంకర్‌ సార్‌ జయంతి సందర్భంగా ఆయనకు రాజ్యసభ బీఆర్‌ఎస్‌ సభ్యులు నివాళి అర్పించారు. ఆయన త్యాగాలను, సేవలను గుర్తు చేసుకున్నారు.

BRS | తెలంగాణ సిద్ధాంతకర్త ప్రొఫెసర్ కొత్తపల్లి జయశంకర్ 93వ జయంతి సందర్భంగా రాజ్యసభ (Rajyasabha) బీఆర్‌ఎస్‌ సభ్యులు వద్దిరాజు రవిచంద్ర, దామోదర్ రావు, అమర్ రావు ఘనంగా నివాళి అర్పించారు.​ ఈ సందర్భంగా వారు మాట్లాడుతూ.. తెలంగాణ ఉద్యమంలో కేసీఆర్‌కు తోడుగా నిలిచి తెలంగాణ కోసం పోరాడారు జయశంకర్ సార్ (Jayashankar sar) అని అన్నారు‌. ​ప్రజల స్వాభిమానం, సమాన హక్కులు, సామాజిక న్యాయం కోసం జయశంకర్ సార్‌ నిరంతరం శ్రమించారని పేర్కొన్నారు.​ సార్ ​తెలంగాణ ప్రత్యేక రాష్ట్ర సాధన కోసం చేసిన సేవలు అమూల్యం అని వెల్లడించారు. మలిదశ ఉద్యమ సమయంలో తెలంగాణ కోసం పోరాడిన సార్‌ 2011లో ప్రత్యేక రాష్ట్రం రాకముందే కన్నుమూయడం బాధాకరమని పేర్కొన్నారు.